ഗുജറാത്തിൽ ബിജെപി ക്ക് കനത്ത തിരിച്ചടി ; മുൻ മന്ത്രിയും,മുൻ എംഎൽഎ യും കോൺഗ്രസ് പാളയത്തിൽ …
ലോക്സഭാ തെരഞ്ഞെടുപ്പ് അടുത്തിരിക്കെ ഗുജറാത്തിൽ ബിജെപിക്കു കനത്ത തിരിച്ചടി. ബിജെപിയുടെ രണ്ട് നേതാക്കൾ പാർട്ടി വിട്ട് കോണ്ഗ്രസിൽ ചേർന്നു.
മുൻ ബിജെപി മന്ത്രി ബിമൽ ഷാ, മുൻ എംഎൽഎയായ അനിൽ പട്ടേൽ എന്നിവരാണ് കോണ്ഗ്രസിനൊപ്പം ചേർന്നത്. കോണ്ഗ്രസ് ആസ്ഥാനത്ത് നടന്ന ചടങ്ങിലാണ് ഇരുവരും പാർട്ടി അംഗത്വം സ്വീകരിച്ചത്. മുതിർന്ന കോൺഗ്രസ് നേതാവ് അഹമ്മദ് പട്ടേലിന്‍റെ സാന്നിധ്യത്തിലായിരുന്നു ഇരുവരും കോൺഗ്രസിനൊപ്പം ചേർന്നത്.
