അഖിലേന്ത്യ മഹിളാകോൺഗ്രസ് അധ്യക്ഷ സുഷ്മിത ദേവ് കോണ്ഗ്രസില് നിന്ന് രാജിവച്ചു
അഖിലേന്ത്യ മഹിളാകോൺഗ്രസ് അധ്യക്ഷ സുഷ്മിത ദേവ് കോൺഗ്രസിൽ നിന്ന് രാജിവച്ചു. നേതൃത്വവുമായി പിണങ്ങി നിൽക്കുകയായിരുന്നു സുഷ്മിത ദേവ്. പാർട്ടി അധ്യക്ഷ സോണിയാ ഗാന്ധിക്ക് സുഷ്മിത രാജിക്കത്ത് നൽകി.
അതെസമയം അസമില് എഐയു ഡി എഫുമായുള്ള കോണ്ഗ്രസിന്റെ സഹകരണത്തെ സുഷ്മിത നേരത്തെ എതിര്ത്തിരുന്നു. നിയമസഭാ തെരഞ്ഞെടുപ്പില് അസമിലെ സീറ്റ് വിഭജനത്തിലെ അസംതൃപ്തിയെത്തുടര്ന്നാണ് അഖിലേന്ത്യ മഹിളാകോണ്ഗ്രസ് അധ്യക്ഷ സുഷ്മിത ദേവ് രാജി ഭീഷണി മുഴക്കിയിരുന്നത്.
എന്നാല്,സീറ്റ് വിഭജനം കൂടിയായതോടെ അതൃപ്തി കടുത്തു. ഇതോടെയാണ് സുഷ്മിത രാജിസന്നദ്ധത അറിയിച്ചത്. അതേസമയം സുഷ്മിത തൃണമൂല് കോണ്ഗ്രസിലേക്ക് പോകുമെന്ന് അഭ്യൂഹം ഉയര്ന്നുവരുന്നുണ്ട്.