സൈനിക ഹെലികോപ്റ്റർ തകർന്ന് പൈലറ്റുമാർക്ക് പരിക്ക്
ജമ്മു കാഷ്മീരിൽ സൈനിക ഹെലികോപ്റ്റർ തകർന്ന് രണ്ട് പൈലറ്റുമാർക്ക് പരിക്കേറ്റു. കാഷ്മീരിലെ കഠുവ ജില്ലയിലെ ലഖാൻപൂരിലാണ് ഹെലികോപ്റ്റർ തകർന്നുവീണത്. പരിക്കേറ്റ രണ്ടുപേരേയും അടുത്തുള്ള സൈനിക ആശുപത്രിയിലേക്ക് മാറ്റി. എച്ച്എൽഎൽ ധ്രുവ് ഹെലികോപ്ടറാണ് അപകടത്തിൽപ്പെട്ടത്. അപകടകാരണം ഉൾപ്പെടെയുള്ള കൂടുതൽ വിവരങ്ങൾ വ്യക്തമായിട്ടില്ല.