ശുഹൈബ് വധം: മുഖ്യമന്ത്രി രാജിവയ്ക്കണമെന്ന് എം.എം ഹസന്
നീതി നിർവഹണത്തെ പരിപൂർണമായി രാഷ്ട്രീയവത്കരിച്ച മുഖ്യമന്ത്രി പിണറായി വിജയൻ രാജിവയ്ക്കണമെന്ന് കെപിസിസി അധ്യക്ഷൻ എം.എം. ഹസൻ. മുഖ്യമന്ത്രി ആഭ്യന്തരവകുപ്പ് ഒഴിയണമെന്നും അദ്ദേഹത്തിന് അധികാരത്തിൽ തുടരാൻ സാധ്യമല്ലെന്നും ഹസൻ പറഞ്ഞു.
കണ്ണൂരിൽ യൂത്ത് കോൺഗ്രസ് പ്രവർത്തകൻ ശുഹൈബിനെ കൊല്ലപ്പെടുത്തിയ കേസ് സിബിഐക്കു വിടണമെന്ന ഹൈക്കോടതി വിധിയോട് പ്രതികരിക്കുകയായിരുന്നു ഹസൻ. ശുഹൈബ് കേസിൽ അന്വേഷണം ശരിയായ വിധത്തിലാണെന്നും കേസ് സിബിഐ അന്വേഷിക്കേണ്ട ആവശ്യമില്ലെന്നും മുഖ്യമന്ത്രി നേരത്തെ നിലപാട് സ്വീകരിച്ചിരുന്നു.