മോതിരം കൈമാറി കാളിദാസ് ജയറാമും തരിണി കലിംഗരും
നടൻ കാളിദാസ് ജയറാമും മോഡലായ തരിണി കലിംഗരായരുമായുള്ള വിവാഹ നിശ്ചയം കഴിഞ്ഞതായി വിവരം. മോതിരം കൈമാറുന്ന ദൃശ്യങ്ങൾ പുറത്തുവന്നതിന് പിന്നാലെയാണ് വിവാഹ നിശ്ചയ വാർത്ത ചർച്ചയാകുന്നത്. ഇരുവരുടെയും പ്രണയവാർത്തയും ചിത്രങ്ങളും സോഷ്യൽ മീഡിയയിൽ ആരാധകർ തുടക്കം മുതലേ ഏറ്റെടുത്ത ഒന്നാണ്. അടുത്തിടെ തരിണിയെ പൊതുവേദിയിൽ കളിദാസ് പ്രൊപ്പോസ് ചെയ്ത വീഡിയോയും വൈറലായിരുന്നു. പിന്നാലെയാണ് വിവാഹ നിശ്ചയം.
വാർത്ത ഔദ്യോഗികമായി കുടുംബം സ്ഥിരീകരിച്ചിട്ടില്ല. ജയറാം, പാർവ്വതി, മാളവിക എന്നിവരെയും തരിണിക്കും കാളിദാസിനും ഒപ്പം വേദിയിൽ കാണാം.
താൻ തരിണിയെ വിവാഹം കഴിക്കാൻ പോവുകയാണ് എന്ന് കാളിദാസൻ വേദിയിൽ നിന്നു പറയുന്ന വീഡിയോ മുമ്പ് പ്രചരിച്ചിരുന്നു. ഷി തമിഴ് നക്ഷത്രം 2023 അവാർഡ് നൈറ്റ് പരിപാടിയുടെ പ്രമോ വീഡിയോയിലാണ് ഈ ദൃശ്യങ്ങൾ ഉണ്ടായത്. ഷി തമിഴ് നക്ഷത്രം അവാർഡ് നിശയിൽ ബെസ്റ്റ് ഫാഷൻ മോഡലിനുള്ള അവാര്ഡ് തരിണിക്കായിരുന്നു.