കസ്റ്റഡി കാലാവധി അവസാനിച്ചു; ശിവശങ്കറെ കോടതിയിൽ ഹാജരാക്കും
മുൻപ്രിൻസിപ്പൽ സെക്രട്ടറി എം. ശിവശങ്കറെ എൻഫോഴ്സ്മെന്റ് ഇന്ന് കോടതിയിൽ ഹാജരാക്കും. ഏഴ് ദിവസത്തെ കസ്റ്റഡി കാലാവധി അവസാനിക്കുന്ന സാഹചര്യത്തിലാണ് അദ്ദേഹത്തെ എറണാകുളം പ്രിൻസിപ്പൽ സെഷൻ കോടതിയിൽ ഹാജരാക്കുന്നത്. ശിവശങ്കർ സമർപ്പിച്ച ജാമ്യഹർജിയും കോടതി പരിഗണിക്കും. എന്നാൽ ശിവശങ്കറെ വീണ്ടും കസ്റ്റഡിയിൽ വാങ്ങാൻ എൻഫോഴ്സ്മെന്റ് അപേക്ഷ നൽകുമെന്നാണ് സൂചന. അതേസമയം, ഡോളർ കടത്ത് കേസിൽ ശിവശങ്കറെ അറസ്റ്റ് ചെയ്യാൻ കസ്റ്റംസും നടപടി ആരംഭിച്ചു.