കോണ്ഗ്രസ് അധ്യക്ഷനായി മല്ലികാർജുൻ ഖർഗെ ഇന്ന് ചുമതലയേൽക്കും
കോൺഗ്രസിന്റെ പുതിയ പ്രസിഡന്റായി മല്ലികാർജുൻ ഖർഗെ ഇന്നു ചുമതലയേൽക്കും. 24 വർഷത്തിനു ശേഷം ആദ്യമായാണ് നെഹ്റു കുടുംബത്തിന് പുറത്ത് നിന്നുള്ള ഒരാള് കോണ്ഗ്രസ് അധ്യക്ഷ പദവിയില് എത്തുന്നത്. ഡിസംബറില് തന്നെ പ്ലീനറി സമ്മേളനം വിളിക്കാനുള്ള നടപടികളും ഖര്ഗെ ചുമതലയേല്ക്കുന്നതിന് പിന്നാലെ ഉണ്ടാകും.
നെഹ്റു കുടുബാംഗമല്ലാത്ത മല്ലികാര്ജുന് ഖര്ഗെ ആകും ഇനി കോണ്ഗ്രസിനെ നയിക്കുക. രാവിലെ പത്തരയ്ക്ക് ഖര്ഗെ ഔദ്യോഗികമായി ചുമതല സോണിയാ ഗാന്ധിയില് നിന്ന് ഏറ്റെടുക്കും. ഖര്ഗെയുടെ സ്ഥാനാരോഹണത്തില് പങ്കെടുക്കാന് രാഹുല് ഗാന്ധിയും ഡല്ഹിയില് എത്തുന്നുണ്ട്. അധ്യക്ഷ സ്ഥാനം എറ്റെടുത്ത ശേഷം പുതിയ ഭാരവാഹികളെ നിശ്ചയിക്കുന്ന ചര്ച്ചകളിലേക്ക് ഖര്ഗെ കടക്കും.