മയക്കുമരുന്ന് നല്കി പീഡിപ്പിച്ചു: പാര്ട്ടി പ്രവര്ത്തകയുടെ പരാതിയില് ലോക്സഭാ എംപിക്കെതിരെ കേസ്
ലോക് ജനശക്തി പാർട്ടി ലോക്സഭാ എം.പിയും ചിരാഗ് പാസ്വാന്റെ ബന്ധുവുമായ പ്രിൻസ് രാജ് പാസ്വാനെതിരെ ബലാത്സംഗത്തിന് കേസ് എടുത്ത് ദില്ലി പൊലീസ്.
ചിരാഗ് പാസ്വാന്റെ ബന്ധുവാണ് പ്രിന്സ്. മയക്കുമരുന്ന് നല്കി ബലാത്സംഗത്തിന് ഇരയാക്കിയെന്നും, തുടര്ന്ന് ഭീഷണിപ്പെടുത്തിയെന്നും കാട്ടി എല്ജിപി പ്രവര്ത്തകയായ പെണ്കുട്ടി നല്കിയ പരാതിയിലാണ് പോലീസ് നടപടി.
ബിഹാറിലെ സമസ്തിപൂരില് നിന്നുള്ള എംപിയാണ് പ്രിന്സ് രാജ്. മൂന്ന് മാസം മുന്പ് ലഭിച്ച പരാതിയില് ഡല്ഹി പോലീസ് കേസെടുത്തിരുന്നില്ല തുടര്ന്ന് പെണ്കുട്ടി ജൂലൈയില് കോടതിയെ സമീപിച്ചു. കോടതി കേസെടുക്കാന് നിര്ദ്ദേശിച്ചതോടെയാണ് സെപ്റ്റംബര് ഒന്പതിന് ഡല്ഹി പോലീസ് എഫ്ഐആര് രജിസ്റ്റര് ചെയ്തത്.
അതേസമയം, കഴിഞ്ഞ ജൂണ് 17ന് അപകീര്ത്തികരമായ പരാമര്ശത്തിന്റെ പേരില് താന് പെണ്കുട്ടിക്കെതിരേ പരാതി നല്കിയിരുന്നതാണെന്നാണ് എംപിയുടെ വിശദീകരണം. പെണ്കുട്ടി തനിക്കെതിരേ ഉന്നയിക്കുന്ന പരാതി വ്യാജമാണെന്നും എംപി പറയുന്നു.