ഷുഹൈബ് വധം ; 4 പേരുടെ ജാമ്യാപേക്ഷ കോടതി തള്ളി …
മട്ടന്നൂരെ കോൺഗ്രസ് പ്രവർത്തകനായിരുന്ന ഷുഹൈബിനെ വെട്ടിക്കൊലപ്പെടുത്തിയ കേസിൽ നാല് പ്രതികളുടെ ജാമ്യാപേക്ഷ ഹൈക്കോടതി തള്ളി.
ആകാശ് തില്ലങ്കേരി, രഞ്ജി രാജ്, ജിതേഷ്, ദീപ്ചന്ദ് എന്നിവരുടെ ജാമ്യാപേക്ഷയാണ് കോടതി തള്ളിയത്.ഹീനമായ രാഷ്ട്രീയകൊലപാതകത്തിന് കടുത്ത ശിക്ഷ തന്നെ വേണമെന്ന് ചൂണ്ടിക്കാട്ടിയാണ് ജാമ്യാപേക്ഷ തള്ളിയത്.
രാഷ്ട്രീയ എതിരാളികളെ ഉന്മൂലനം ചെയ്യുന്ന സിദ്ധാന്തത്തെ സമൂഹം അംഗീകരിക്കില്ലെന്നും ഈ സിദ്ധാന്തം തള്ളിക്കളയണമെന്നും ഹൈക്കോടതി നിരീക്ഷിച്ചു.