പുൽവാമാ ഭീകരാക്രമണം ; കൊല്ലപ്പെട്ട സൈനികരുടെ കുടുംബത്തിന് 5 ലക്ഷം രൂപ നൽകും – മമത ബാനർജി …
പുൽവാമ ഭീകരാക്രമണത്തിൽ കൊല്ലപ്പെട്ട ജവാൻമാരുടെ കുടുംബങ്ങൾക്ക് പശ്ചിമ ബംഗാൾ സർക്കാർ അഞ്ച് ലക്ഷം രൂപ ധനസഹായം പ്രഖ്യാപിച്ചു. സംസ്ഥാനത്തുനിന്നുള്ള രണ്ട് ജവാൻമാരാണ് കൊല്ലപ്പെട്ടത്. ഇവരുടെ അടുത്ത കുടുംബാംഗങ്ങൾക്ക് സർക്കാർ ജോലിയും വാഗ്ദാനം ചെയ്തിട്ടുണ്ട്.
ഹൗറ ജില്ലയിലെ ചക്കാഷി രാജ്ബംഗ്ഷിപര സ്വദേശി ബാബു സാന്ത്ര, നാദിയ ജില്ലയിലെ തെഹാത്ത സ്വദേശി സുദീപ് ബിശ്വാസ് എന്നിവരാണ് പുൽവാമയിൽ കൊല്ലപ്പെട്ടത്. ഭീകരാക്രമണത്തിൽ കൊല്ലപ്പെട്ട മലയാളി ജവാൻ വസന്ത് കുമാറിന്റെ കുടുംബത്തിന് കേരള സർക്കാർ 25 ലക്ഷം രൂപയാണ് സഹായം നൽകുന്നത്. ഭാര്യയുടെ ജോലി സ്ഥിരപ്പെടുത്താനും തീരുമാനിച്ചിട്ടുണ്ട്.