കശ്മീരില്‍ ട്രെയിന്‍ സര്‍വീസ് ഇന്ന് മുതല്‍ പുനരാരംഭിക്കും
ന്യൂഡല്‍ഹി: ജമ്മു കശ്മീരില്‍ നിര്‍ത്തിവച്ചിരുന്ന ട്രെയിന്‍ സര്‍വീസ് ഇന്ന് മുതല്‍ പുനരാരംഭിക്കുമെന്നു നോര്‍ത്തേണ്‍ റെയില്‍വേ അറിയിച്ചു. കശ്മീരിന്‍റെ പ്രത്യേക പദവി റദ്ദാക്കുന്നതിനു മുന്നോടിയായി ഓഗസ്റ്റ് മൂന്നിനായിരുന്നു കശ്മീരിലേക്കുള്ള ട്രെയിന്‍ സര്‍വീസ് നിര്‍‌ത്തിവച്ചത്. ശ്രീനഗര്‍-ബാരാമുള്ള റൂട്ടിലെ ട്രെയിന്‍ സര്‍വീസുകളാവും ആദ്യം പുനരാരംഭിക്കുക.
നോര്‍ത്തേണ്‍ റെയില്‍വെ ഡിവിഷണല്‍ മാനേജര്‍ രാകേഷ് അഗര്‍വാള്‍ കഴിഞ്ഞ ദിവസം ബദ്ഗാമില്‍നിന്ന് ബരാമുള്ളയിലേക്ക് തീവണ്ടിയില്‍ സന്ദര്‍ശിച്ച് സുരക്ഷ അടക്കമുള്ളവ വിലയിരുത്തിയിരുന്നു.
