കണ്ണൂരില്‍ കെ.സുധാകരന് തന്നെ; മത്സരിക്കാന്‍ എഐസിസി നിര്‍ദേശം
ലോക്‌സഭാ തെരഞ്ഞെടുപ്പില്‍ കണ്ണൂരില്‍ കെ.സുധാകരന് തന്നെ യുഡിഎഫ് സ്ഥാനാര്‍ഥിയാകും. സുധാകരനോട് മത്സരിക്കാന്‍ എഐസിസി നിര്‍ദേശം നല്‍കി.നേരത്തേ കെപിസിസി പ്രസിഡന്‍റ് പദവിയും എംപി സ്ഥാനവും ഒരുമിച്ച് കൊണ്ടുപോകുന്നതില്‍ സുധാകരന് എഐസിസി നേതൃത്വത്തെ ബുദ്ധിമുട്ട് അറിയിച്ചിരുന്നു.
എന്നാല്‍ എല്‍ഡിഎഫ് സ്ഥാനാര്‍ഥിയായി എം.വി.ജയരാജന്‍ മത്സരിക്കാനുള്ള സാധ്യത കണക്കിലെടുത്താണ് സുധാകരന് തന്നെ കളത്തിലിറങ്ങണമെന്ന് നേതൃത്വം നിര്‍ദേശിച്ചത്. നേരത്തേ സുധാകരന് രാജ്യസഭാ സീറ്റ് നല്‍കുന്ന കാര്യവും ദേശീയ നേതൃത്വം പരിഗണിച്ചിരുന്നു. എന്നാല്‍ മുസ്‌ലീം ലീഗുമായുള്ള ഉഭയകക്ഷി ചര്‍ച്ചയില്‍ അവര്‍ക്ക് രാജ്യസഭാ സീറ്റ് നല്‍കാമെന്ന നിര്‍ദേശം മുന്നോട്ട് വച്ച സാഹചര്യത്തിലാണ് സുധാകരന് ലോക്‌സഭയില്‍ തന്നെ മത്സരിക്കട്ടെ എന്ന തീരുമാനത്തിലെത്തിയത്.
