പി ജി പ്രവേശനം; അപേക്ഷയിലെ തെറ്റ് തിരുത്താൻ

2023 -24 അധ്യയന വർഷത്തിലെ അഫിലിയേറ്റഡ് കോളേജുകളിലെ പി ജി പ്രവേശനത്തിനുള്ള അപേക്ഷ നൽകിയവർക്ക് അപേക്ഷയിലെ തെറ്റുകൾ തിരുത്തുന്നതിനായി 02 .08 .2023 മുതൽ 11 .08 .2023 വരെ അവസരമുണ്ട് . ഓപ്ഷൻസ് പുനഃക്രമീകരിക്കാൻ അവസരം ഉണ്ടായിരിക്കുന്നതല്ല. കൂടാതെ ഇതുവരെ അപേക്ഷിച്ചിട്ടില്ലാത്തവർക്ക് പുതുതായി അപേക്ഷ സമർപ്പിക്കാൻ 02. 08. 2023 മുതൽ 11. 08. 2023 വരെ അവസരമുണ്ട്.

ബിരുദ പ്രവേശനം നാലാം അലോട്മെന്റ്

2023 -24 അധ്യയന വർഷത്തിലെ അഫിലിയേറ്റഡ് കോളേജുകളിലെ ബിരുദ പ്രവേശനത്തിനുള്ള നാലാമത്തെ അലോട്മെന്റ് പ്രസിദ്ധീകരിച്ചു. അപേക്ഷകർ പ്രൊഫൈൽ ലോഗിൻ ചെയ്തു അലോട്മെന്റ് വിവരങ്ങൾ അറിയേണ്ടതാണ്. വിശദ വിവരങ്ങൾ വെബ്‌സൈറ്റിൽ ലഭ്യമാണ്.

എസ് സി /എസ് ടി വിഭാഗത്തിലുള്ളവർക്ക് ബിരുദ പ്രവേശനത്തിന് അപേക്ഷിക്കാം

അഫിലിയേറ്റഡ് കോളേജുകളിലെ ബിരുദ പ്രവേശനത്തിനായി ഇതുവരെ ഓൺലൈനായി അപേക്ഷ സമർപ്പിക്കാത്ത എസ് സി /എസ് ടിവിഭാഗക്കാർക്ക് അപേക്ഷ സമർപ്പിക്കുവാൻ 05.08.2023 വരെ അവസരമുണ്ട്. കൂടുതൽ വിവരങ്ങൾക്ക് സർവകലാശാല വെബ്സൈറ്റ് സന്ദർശിക്കുക.

പരീക്ഷാ തിയതി

രണ്ടാം സെമസ്റ്റർ ബി എസ് സി കെമിസ്ട്രി ഏപ്രിൽ 2023, പ്രായോഗിക പരീക്ഷകൾ, ആഗസ്റ്റ് 4 മുതൽ ആഗസ്റ്റ് 14 വരെ അതാതു കോളേജുകളിൽ നടക്കും. വിശദമായ ടൈംടേബിൾ വെബ്സൈറ്റിൽ ലഭ്യമാണ്.

പ്രൊജക്ട് / വൈവ-വോസി

സർവകലാശാല അഫിലിയേറ്റഡ് കോളേജുകളിലെയും, സെന്ററുകളിലെയും നാലാം സെമസ്റ്റർ എം.ബി.എ ഡിഗ്രി(സി ബി എസ് എസ് -റെഗുലർ/സപ്ലിമെന്ററി) ഏപ്രിൽ 2023 പരീക്ഷകളുടെ ഭാഗമായുള്ള പ്രൊജക്ട് മൂല്യനിർണയം,വൈവ-വോസി എന്നിവ 08.08.2023 ന് വിവിധ പരീക്ഷാകേന്ദ്രങ്ങളിൽ നടത്തപ്പെടുന്നതാണ്. വിശദമായ ടൈംടേബിൾ വെബ്‌സൈറ്റിൽ ലഭ്യമാണ്.

5 വർഷ കാലാവധിയിൽ അധ്യാപക നിയമനം; അപേക്ഷ ക്ഷണിച്ചു

കണ്ണൂർ സർവകലാശാലയുടെ കീഴിൽ പ്രവർത്തിച്ചുവരുന്ന ജിയോഗ്രഫി, ഐ ടി, സ്റ്റാറ്റിസ്റ്റിക്കൽ സയൻസസ് എന്നീ പഠനവകുപ്പുകളിൽ നടത്തുന്ന ന്യൂ ജനറേഷൻ കോഴ്‌സുകളിലേക്ക് 5 വർഷ കാലാവധിയിൽ അധ്യാപക നിയമനത്തിന് അപേക്ഷ ക്ഷണിച്ചു. ഓൺലൈൻ അപേക്ഷ സമർപ്പിക്കേണ്ട അവസാന തീയതി 11 / 08 / 2023

റാങ്ക്ലിസ്റ്റ്

കണ്ണൂർ സർവകലാശാല പഠനവകുപ്പിലെയും സെന്ററുകളിലെയും എം ബി എ പ്രോഗ്രാമുകളുടെ 2023 – 24 അധ്യയന വർഷത്തെ പ്രവേശനത്തിനുള്ള റാങ്ക്ലിസ്റ്റ് സർവകലാശാല വെബ്‌സൈറ്റിൽ പ്രസിദ്ധീകരിച്ചു.

സീറ്റൊഴിവ്

കണ്ണൂർ സർവകലാശാലയുടെ മാനന്തവാടി ക്യാമ്പസിൽ എം എസ് സി അപ്ലൈഡ് സുവോളജി പ്രോഗ്രാമിൽ എസ് സി / എസ് ടി വിഭാഗത്തിൽ ഏതാനും സീറ്റുകൾ ഒഴിവുണ്ട്. താല്പര്യമുള്ളവർ അസൽ സർട്ടിഫിക്കറ്റുകൾ സഹിതം 07.08.2023 രാവിലെ 11:00 മണിക്ക് മുൻപ് പഠനവകുപ്പിൽ എത്തണം.
കണ്ണൂർ സർവകലാശാല ഡോ. പി കെ രാജൻ മെമ്മോറിയൽ ക്യാമ്പസിലെ മലയാള വിഭാഗത്തിൽ എം എ മലയാളം പ്രോഗ്രാമിന് പട്ടികവർഗ്ഗ (എസ് ടി) , മുന്നോക്ക സംവരണ (ഇ ഡബ്ള്യൂ എസ്) വിഭാഗങ്ങളിൽ ഏതാനും സീറ്റുകൾ ഒഴിവുണ്ട്.താൽപ്പര്യമുള്ള വിദ്യാർത്ഥികൾ അസ്സൽ യോഗ്യത സർട്ടിഫിക്കറ്റുകൾ സഹിതം 04/08/2023 ന് വെള്ളിയാഴ്ച്ച രാവിലെ 11 .00 മണിക്ക് വകുപ്പ് മേധാവിക്ക് മുൻപിൽ നേരിട്ട് എത്തണം. സംവരണ ക്രമം പാലിച്ചു കൊണ്ട് ഡിഗ്രി പരീക്ഷയ്ക്ക് ലഭിച്ച മാർക്കിൻെറ അടിസ്ഥാനത്തിൽ ആയിരിക്കും പ്രവേശനം.
കണ്ണൂർ സർവകലാശാല പയ്യന്നൂർ സ്വാമി ആനന്ദതീർത്ഥ ക്യാമ്പസ്സിൽ എം എസ് സി കെമിസ്ട്രി (നാനോ സയൻസ് ആൻഡ് നാനോ ടെക്നോളജി) പ്രോഗ്രാമിൽ ഏതാനും സീറ്റുകൾ ഒഴിവുണ്ട്. അർഹരായവർ യോഗ്യതാ സർട്ടിഫിക്കറ്റുകളുമായി 04-08-2023 -ന് രാവിലെ 10:30 മണിക്ക് പഠന വകുപ്പിൽ വകുപ്പ് തലവൻ മുൻപാകെ എത്തണം. ഫോൺ: 9847421467
കണ്ണൂർ സർവകലാശാല താവക്കര ക്യാമ്പസിൽ പ്രവർത്തിക്കുന്ന ലൈബ്രറി ആൻറ് ഇൻഫർമേഷൻ സയൻസ് പഠനവകുപ്പിലെ മാസ്റ്റർ ഓഫ് ലൈബ്രറി ആൻറ് ഇൻഫർമേഷൻ സയൻസ് പ്രോഗ്രാമിന് പട്ടിക വർഗ്ഗ വിഭാഗത്തിൽ ഒരു ഒഴിവുണ്ട്. ഏതെങ്കിലും വിഷയത്തിലുള്ള ബിരുദമാണ് യോഗ്യത. താത്പര്യമുള്ളവർ അസൽ സർട്ടിഫിക്കറ്റുകളുമായി ആഗസ്റ്റ് 3-ന് ഉച്ചക്ക് രണ്ടുമണിക്കകം വകുപ്പ് മേധാവിക്ക് മുൻപാകെ എത്തണം. അല്ലാത്തപക്ഷം പട്ടിക ജാതി വിഭാഗത്തിൽപ്പെട്ടവരെ പരിഗണിക്കുന്നതാണ്. മേൽ പറഞ്ഞ വിഭാഗത്തിൽപ്പെട്ടവരുടെ അഭാവത്തിൽ അനുവദനീയമായ മറ്റു വിഭാഗങ്ങളിൽപ്പെട്ടവരെ പരിഗണിക്കുന്നതാണ്. ഫോൺ: 9895649188
കണ്ണൂർ സർവകലാശാല നീലേശ്വരം ക്യാമ്പസിലെ ഹിന്ദി പഠനവകുപ്പിൽ എം എ ഹിന്ദി പ്രോഗ്രാമിന് എസ് സി / എസ് ടി / മുസ്ലിം എന്നീ വിഭാഗങ്ങളിലും മറ്റ് വിഭാഗങ്ങളിലുമായി ഏതാനും സീറ്റുകൾ ഒഴിവുണ്ട്. ഹിന്ദി സെക്കൻഡ് ലാംഗ്വേജ് (50% ത്തിൽ കുറയാതെ) ആയി ബി എ /ബി എസ് സി പാസ്സായവർക്കും അപേക്ഷിക്കാം. താല്പര്യമുള്ള വിദ്യാർഥികൾ അസ്സൽ യോഗ്യത സർട്ടിഫിക്കറ്റുകൾ സഹിതം 03.08.23 (ബുധനാഴ്ച്ച) രാവിലെ 10.30 മണിക്ക്‌ വകുപ്പ് മേധാവിക്ക് മുൻപിൽ നേരിട്ട് എത്തണം. ഫോൺ :8921288025, 8289918100
കണ്ണൂർ സർവകലാശാല മാനന്തവാടി ക്യാമ്പസിൽ ബോട്ടണി പഠന വകുപ്പിലെ എം എസ് സി പ്രോഗ്രാമിൽ എസ് ടി സംവരണ സീറ്റുകൾ ഒഴിവുണ്ട്. യോഗ്യരായവർ ഓഗസ്റ്റ് 3ന് (വ്യാഴം) രാവിലെ 10:30ന് അസ്സൽ സർട്ടിഫിക്കറ്റുകളുമായി മാനന്തവാടി ക്യാമ്പസിൽ എത്തണം.
കണ്ണൂർ സർവകലാശാല മാങ്ങാട്ടുപറമ്പ് ക്യാമ്പസിലെ സ്റ്റാറ്റിസ്റ്റിക്കൽ സയൻസസ് പഠനവകുപ്പിൽ എം എസ് സി സ്റ്റാറ്റിസ്റ്റിക്സ്, എം എസ് സി ബയോസ്റ്റാറ്റിസ്റ്റിക്സ് എന്നീ പ്രോഗ്രാമുകളിൽ എസ് സി/ എസ് ടി വിഭാഗങ്ങളിൽ ഏതാനും സീറ്റുകൾ ഒഴിവുണ്ട്. യോഗ്യതയുള്ള വിദ്യാർത്ഥികൾ യോഗ്യത തെളിയിക്കുന്ന സർട്ടിഫിക്കറ്റുകൾ സഹിതം മാങ്ങാട്ടുപറമ്പ് ക്യാമ്പസിലെ സ്റ്റാറ്റിസ്റ്റിക്കൽ സയൻസസ് പഠനവകുപ്പിൽ 04.08.2023 (വെള്ളിയാഴ്ച) രാവിലെ 11 മണിക്ക് ഹാജരാകണം.
കണ്ണൂർ സർവകലാശാല നീലേശ്വരം ക്യാമ്പസിൽ ഫൈവ് ഇയർ ഇൻറ്റഗ്രേറ്റഡ് എം കോം പ്രോഗ്രാമിൽ ജനറൽ, എസ് സി, എസ് ടി, ഒ ബി സി, മുസ്ലിം, ഇ ഡബ്ള്യൂ എസ് വിഭാഗങ്ങളിൽ ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. വിദ്യാർത്ഥികൾ ആഗസ്ത് 4 ന് രാവിലെ 10 മണിക്ക് p അസൽ സർട്ടിഫിക്കറ്റുകളുമായി പഠനവകുപ്പിൽ എത്തണം.
കണ്ണൂർ സർവകലാശാല പാലയാട് ഡോ. ജാനകി അമ്മാൾ ക്യാമ്പസിൽ എം എസ് സി മോളിക്യൂലർ ബയോളജി പ്രോഗ്രാമിൽ എസ് സി /ഈഴവ /തീയ്യ/ ബില്ലവ/ വിഭാഗങ്ങളിൽ ഏതാനും സീറ്റുകൾ ഒഴിവുണ്ട്. താല്പര്യമുള്ള വിദ്യാർത്ഥികൾ അസ്സൽ യോഗ്യത സർട്ടിഫിക്കറ്റുകൾ സഹിതം 03.08.2023 ഉച്ചക്ക് 2 മണിക്ക് വകുപ്പ് മേധാവിക്ക് മുൻപാകെ നേരിട്ട് ഹാജരാക്കേണ്ടതാണ്. ഫോൺ നമ്പർ : 9663749475
കണ്ണൂർ സർവകലാശാലയുടെ പാലയാട് ഡോ. ജാനകി അമ്മാൾ ക്യാമ്പസിൽ എം എ എക്കണോമിക്സ് പ്രോഗ്രാമിന് 2 എസ് സി സീറ്റുകൾ ഒഴിവുണ്ട്. താല്പര്യമുള്ളവർ 03-08-2023 ന് രാവിലെ 10 ന് വകുപ്പ് തലവൻ മുമ്പാകെ അസൽ സർട്ടിഫികറ്റുകൾ സഹിതം എത്തണം. ഫോൺ:9400337417
കണ്ണൂർ സർവകലാശാല മാങ്ങാട്ടുപറമ്പ് ക്യാമ്പസിലെ എൻവയോൺമെന്റൽ സ്റ്റഡീസ് പഠനവകുപ്പിൽ എം എസ് സി എൻവയോൺമെന്റൽ സയൻസ് പ്രോഗ്രാമിന് എസ് സി വിഭാഗത്തിൽ ഒരു സീറ്റ് ഒഴിവുണ്ട്. ഫോൺ: 9746602652, 9946349800
കണ്ണൂർ സർവകലാശാലാ മങ്ങാട്ടുപറമ്പ ക്യാമ്പസിലെ എം എ ജേർണലിസം ആൻഡ് മാസ് കമ്മ്യൂണിക്കേഷൻ പ്രോഗ്രാമിൽ എസ് ടി വിഭാഗത്തിൽ സീറ്റ് ഒഴിവുണ്ട്. യോഗ്യതയുള്ളവർ അസൽ സർട്ടിഫിക്കറ്റുകളുമായി ആഗസ്ത് 4ന് പഠനവകുപ്പിൽ ഹാജരാകണം.