രാജ്യത്ത് പ്രതിദിന കൊവിഡ് കേസുകള്‍ ഗണ്യമായി കുറഞ്ഞു

രാജ്യത്ത്‌ 26,115 പേര്‍ക്ക് കൊവിഡ് സ്ഥിരീകരിച്ചതോടെ ഇന്ത്യയിലെ മൊത്തം കൊവിഡ് കേസുകളുടെ എണ്ണം 3,34,78,419 ആയി ഉയര്‍ന്നു, അതേസമയം സജീവ കേസുകള്‍ 3,09,575 ആയി കുറഞ്ഞു.

252 പേര്‍ കൂടി മരിച്ചതോടെ മരണസംഖ്യ 4,45,358 ആയി ഉയര്‍ന്നു. സജീവ കേസുകള്‍ 3,09,575 ആയി കുറഞ്ഞു. മൊത്തം അണുബാധകളുടെ 0.95 ശതമാനമാണ് ഇത്‌. ദേശീയ കൊവിഡ് വീണ്ടെടുക്കല്‍ നിരക്ക് 97.72 ശതമാനമായി രേഖപ്പെടുത്തിയതായി ആരോഗ്യ മന്ത്രാലയം അറിയിച്ചു.

24 മണിക്കൂറിനുള്ളില്‍ സജീവമായ കൊവിഡ് കേസുകളുടെ എണ്ണത്തില്‍ 13,977 കേസുകളുടെ കുറവ് രേഖപ്പെടുത്തിയിട്ടുണ്ട്. ഞായറാഴ്ച 11,77,607 ടെസ്റ്റുകള്‍ നടത്തി. രാജ്യത്ത് കൊവിഡ് കണ്ടെത്തുന്നതിനായി ഇതുവരെ നടത്തിയ മൊത്തം സഞ്ചിത പരിശോധനകള്‍ 55,36,21,766 ആയി.