ആരാധനാലയങ്ങള്‍ തുറക്കണമെന്ന് ആവര്‍ത്തിച്ച്‌ കെ.മുരളീധരന്‍
കോഴിക്കോട്: ആരാധനാലയങ്ങള്‍ തുറക്കണമെന്ന നിലപാട് ആവര്‍ത്തിച്ച്‌ കെ മുരളീധരന്‍ എം.പി. ക്ഷേത്രങ്ങള്‍ തുറന്നപ്പോള്‍ തുറക്കരുതെന്ന് ആവശ്യപ്പെട്ട് ഹിന്ദു മുന്നണി രംഗത്ത് വന്നിരിക്കുകയാണെന്നും മുരളീധരന്‍ ചൂണ്ടിക്കാട്ടി. ആരുടേയും സംരക്ഷണം ഈ സംഘടനയെ ഏല്‍പ്പിച്ചിട്ടില്ലെന്നും മുരളീധരന്‍ പറ‌ഞ്ഞു.
അമ്പലത്തിനകത്ത് കൊറോണയാണോ? എന്താണ് അതിനകത്ത് കടന്നാലെന്നാണ് മുരളീധന്‍റെ ചോദ്യം. ദര്‍ശനം നടത്തുമ്പോള്‍ ശരിയായി നടത്തണമെന്നും പ്രസാദം സ്വീകരിക്കണമെന്നും മുരളീധരന്‍ അഭിപ്രായപ്പെട്ടു. ആചാരമനുസരിച്ച്‌ തൊഴുവാന്‍ കഴിയണം. അല്ലാതെയുള്ള പ്രോട്ടോക്കോള്‍ ആവരുതെന്ന് പറഞ്ഞ മുരളീധരന്‍ കെ സുരേന്ദ്രന്‍, വി മുരളീധരന്‍ എന്നിവരുടെ പ്രസ്താവന മതസ്പര്‍ദ്ദ ഉണ്ടാക്കുന്നതാണെന്നും അദ്ദേഹം ആരോപിച്ചു. ആരാധനാലയങ്ങള്‍ തുറക്കണമെന്നാണ് അഭിപ്രായമെന്ന് മുരളീധരന്‍ വ്യക്തമാക്കി.
