തൊഴിലാളികൾക്ക് മൂന്നു ദിവസം സൗജന്യ യാത്ര അനുവദിച്ച് കർണാടക സർക്കാർ
![](https://www.newswings.online/wp-content/uploads/2020/05/go-corona.png)
ബംഗളൂരു: ലോക്ക്ഡൗണിനെത്തുടർന്ന് സംസ്ഥാനത്തിന്റെ വിവിധയിടങ്ങളിൽ കുടുങ്ങിയ തൊഴിലാളികൾക്ക് സ്വന്ത സ്ഥലത്തേക്ക് മടങ്ങാൻ ബസുകളിൽ സൗജന്യ യാത്ര അനുവദിച്ച് കർണാടക സർക്കാർ. മൂന്നു ദിവസത്തേക്ക് സർക്കാർ ബസുകളില് തൊഴിലാളികൾക്ക് സൗജന്യ യാത്ര ചെയ്യാം. കര്ണാടക മുഖ്യമന്ത്രിയുടെ ഓഫീസ് പ്രസ്താവനയില് അറിയിച്ചതാണ് ഇക്കാര്യം.
ഞായറാഴ്ച മുതൽ മൂന്നു ദിവസത്തേക്കാണ് തൊഴിലാളികൾക്ക് സ്വന്തം സ്ഥലങ്ങളിലേക്ക് സൗജന്യ യാത്ര ചെയ്യാൻ സാധിക്കുന്നത്. ബംഗളൂരുവില് നിന്നും മറ്റു ജില്ലാ കേന്ദ്രങ്ങളില് നിന്നും കെഎസ്ആർടിസി ബസുകളിൽ സൗജന്യമായി യാത്ര നടത്താമെന്നും മുഖ്യമന്ത്രിയുടെ ഓഫീസ് അറിയിച്ചു.
തൊഴിലാളികൾ സമൂഹിക അകലം പാലിക്കണം. അവർക്ക് മതിയായ സൗകര്യങ്ങൾ ഏർപ്പെടുത്തുമെന്നും മുഖ്യമന്ത്രി ബി.എസ് യെദിയൂരപ്പ പറഞ്ഞിരുന്നു.