ഓണ്‍ലൈൻ ബുക്കിംഗിന് സജ്ജമായാലുടൻ ബിവറേജ് ഔട്ട്ലെറ്റുകൾ തുറക്കും
തിരുവനന്തപുരം: ബിവറേജ് ഒൗട്ട്ലെറ്റുകൾ ഓണ്‍ലൈൻ ബുക്കിംഗിന് സജ്ജമാകുന്ന നിലയ്ക്ക് നിബന്ധനകൾ പാലിച്ചുകൊണ്ട് പാർസൽ സർവീസിനായി തുറക്കാമെന്ന് മുഖ്യമന്ത്രി പിണറായി വിജയൻ.
ബാറുകളിലെ മദ്യവിതരണത്തിനും ആഹാര വിതരണത്തിനും നിയന്ത്രണം ബാധകമാണ്. ഒരേസമയം അഞ്ചു പേരിൽ കൂടുതലുണ്ടാവില്ല എന്ന നിബന്ധന പാലിച്ച് മെംബർമാർക്ക് മദ്യവും ആഹാരവും പാർസലായി നൽകാം. ടെലിഫോണ് വഴിയോ മറ്റു വഴിയോ ഇതിനായി ക്ലബുകൾ ബുക്കിംഗ് സജ്ജമാക്കണം. കള്ളുഷാപ്പുകളിലും പാർസലായി കള്ളും ഭക്ഷണവും നൽകാം.
മാളുകൾ അല്ലാത്ത ഷോപ്പിംഗ് കോപ്ലക്സുകളിൽ ആകെയുള്ള കടകളുടെ പകുതി കടകൾ ഇടവിട്ട ദിവസങ്ങളിൽ തുറക്കാം. എയർകണ്ടീഷൻ ഒഴിവാക്കി ഹെയർ ഡ്രസിംഗ്, ഹെയർ കട്ട്, ഷേവിംഗ് ജോലികൾക്കായി ബാർബർ ഷോപ്പുകൾ തുറക്കാം. മുൻകൂടി ബുക്ക് ചെയ്തു വേണം ബാർബർ ഷോപ്പിലേക്ക് വരാനെന്നും മുഖ്യമന്ത്രി പിണറായി വിജയൻ അറിയിച്ചു.
