ഓണ്ലൈനായി വഴി മദ്യ വില്പ്പനക്കൊരുങ്ങി ബെവ്കോ
![](https://www.newswings.online/wp-content/uploads/2020/05/liquir.jpg)
തിരുവനന്തപുരം: മദ്യം ഓണ്ലൈനായി വില്ക്കുവാനൊരുങ്ങി ബെവ്കോ. ഔട്ട്ലെറ്റുകളില് ഓണ്ലൈന് രജിസ്ട്രേഷന് വഴി മദ്യ വില്പ്പന നടത്തുന്ന പദ്ധതിയെകുറിച്ചാണ് ബെവ്കോ ആലോചിക്കുന്നത്. ഇതിനായി മികച്ച സോഫ്റ്റ് വെയര് നിര്മ്മിക്കുന്ന കമ്ബനിയെ കണ്ടെത്താന് സ്റ്റാര്ട്ട് അപ്പ്മിഷന് ബെവ്കോ നിര്ദ്ദേശം നല്കി. ഇതുസംബന്ധിച്ച് ബെവ്കോ എംഡി സ്റ്റാര്ട്ട് അപ്പ്മിഷന് കത്ത് നല്കുകയും ചെയ്തു.
വെര്ച്ചല് ക്യു മാതൃകയില് തിരക്ക് നിയന്ത്രിച്ച് കൊണ്ട് മുന്കൂറായി പണം അടച്ചും സമയം നിശ്ചിയിച്ചും മദ്യം വാങ്ങുന്ന രീതിയാണ് ബെവ്കോ ആലോചിക്കുന്നത്. സോഫ്റ്റ് വെയര് നിര്മിക്കുവാന് തയാറായി നിലവില് 29 ക മ്പനികള് സമീപിച്ചിട്ടുണ്ടെന്ന് സ്റ്റാര്ട്ട് ആപ്പ് മിഷന് സിജഒ സജി ഗോപിനാഥ് അറിയിച്ചു.
അതേസമയം, കള്ള് ഷാപ്പിലെ പാഴ്സല് സംവിധാനത്തില് ചട്ടഭേദഗതി വേണ്ടെന്നാണ് നിയമോപദേശം. ഏറെ നാളുകള്ക്കു ശേഷം രാജ്യത്തെ പല സംസ്ഥാനങ്ങളിലും മദ്യശാലകള് തുറന്നപ്പോള് തിരക്കും മറ്റു പല പ്രശ്നങ്ങളുണ്ടായിരുന്നു. ഇത്തരം സംഭവങ്ങള് ആവര്ത്തിക്കാതിരിക്കാനാണ് സംസ്ഥാനം പുതിയ മാര്ഗം തേടുന്നത്.