പ്രധാനമന്ത്രിയുടെ യോഗം തുടങ്ങി: ലോക്ക്ഡൗണ് ഘട്ടംഘട്ടമായി പിന്വലിച്ചാല് മതിയെന്ന് കേരളം
തിരുവനന്തപുരം: ലോക്ക്ഡൗണ് ഘട്ടംഘട്ടമായി പിന്വലിച്ചാല് മതിയെന്ന് കേരളം. കേന്ദ്രആഭ്യന്തരമന്ത്രി അമിത് ഷായെ മുഖ്യമന്ത്രി പിണറായി വിജയനാണ് സംസ്ഥാനത്തിന്റെ നിലപാട് അറിയിച്ചത്. അമിത് ഷായെ ഫോണില് വിളിച്ചാണ് മുഖ്യമന്ത്രി ഇക്കാര്യം അറിയിച്ചത്.
അതേസമയം ലോക്ക്ഡൗണ് ഉള്പെടെയുള്ള വിഷയങ്ങള് ചര്ച്ച ചെയ്യാന് പ്രധാനമന്ത്രി വിളിച്ച മുഖ്യമന്ത്രിമാരുടെ യോഗം ആരംഭിച്ചു. ലോക്ക്ഡൗണ് നീട്ടണമെന്ന് ആറ് സംസ്ഥാനങ്ങള് നേരത്തെ ആവശ്യപ്പെട്ടിരുന്നു. യോഗത്തില് മുഖ്യമന്ത്രി പിണറായി വിജയന് പങ്കെടുക്കുന്നില്ല. പകരം വീഡിയോ കോണ്ഫറന്സില് ചീഫ് സെക്രട്ടറി കേരളത്തെ പ്രതിനിധീകരിക്കും. എല്ലാ മുഖ്യമന്ത്രിമാര്ക്കും സംസാരിക്കാന് അവസരമില്ലാത്തതിനാലാണ് തീരുമാനം. കഴിഞ്ഞ യോഗത്തില് മുഖ്യമന്ത്രിയ്ക്ക് സംസാരിക്കാന് അവസരം ലഭിച്ചിരുന്നു.
അതേസമയം ഡല്ഹി, മഹാരാഷ്ട്ര, ഒഡീഷ, മധ്യപ്രദേശ്, പഞ്ചാബ്, പശ്ചിമബംഗാള് എന്നീ സംസ്ഥാനങ്ങള് ലോക്ക് ഡൗണ് നീട്ടണമെന്നാണ് കേന്ദ്രത്തോട് ആവശ്യപ്പെടുന്നത്. കര്ണ്ണാടകം. തമിഴ്നാട്, ആന്ധ്രയുള്പ്പടെ ആറ് സംസ്ഥാനങ്ങള് കേന്ദ്ര തീരുമാനം അംഗീകരിക്കാം എന്ന നിലപാടിലാണ്. തെലങ്കാന അടുത്ത ഏഴ് വരെ ലോക്ക് ഡൗണ് നീട്ടിയിട്ടുണ്ട്.