ശമ്പളം പിടിക്കല്‍: ഓര്‍ഡിനന്‍സിന് ഗവര്‍ണറുടെ അംഗീകാരം
തിരുവനന്തപുരം: കൊറോണ പ്രതിസന്ധിയെ തുടര്‍ന്ന് സ൪ക്കാ൪ ജീവനക്കാരുടെയും അധ്യാപകരുടെയും മറ്റും ശമ്പളം പിടിക്കുന്നതു സംബന്ധിച്ച ഓര്‍ഡിനന്‍സില്‍ സംസ്ഥാന ഗവര്‍ണര്‍ ഒപ്പിട്ടു. ഇതോടെ ഓര്‍ഡിനന്‍സിന് അംഗീകാരമായി. ശമ്പളം പിടിക്കല്‍ സ്റ്റേ ചെയ്ത ഹൈക്കോടതി വിധിയെ തുടര്‍ന്നാണ് ഓ൪ഡിനന്‍സ് ഇറക്കാന്‍ മന്ത്രിസഭ തീരുമാനിച്ചത്.
ഇതോടെ ആറ് ദിവസത്തെ ശമ്പളം മാറ്റിവെക്കാന്‍ സര്‍ക്കാറിന് കഴിയും. കോടതി വിധിയുടെ പശ്ചാത്തലത്തില്‍ കഴിഞ്ഞദിവസമാണ് ഓര്‍ഡിനന്‍സിന് മന്ത്രിസഭാ യോഗം തീരുമാനിച്ചത്. സ്റ്റേ നീക്കാന്‍ അപ്പീല്‍ പോകില്ലെന്നും തീരുമാനിച്ചിരുന്നു.
ഓര്‍ഡിനന്‍സിന് നിയമപ്രാബല്യമായ ശേഷമേ ഏപ്രിലിലെ ശമ്പള വിതരണം ആരംഭിക്കൂ. ഇതുകാരണം ഏപ്രിലിലെ ശമ്ബളം വൈകാന്‍ സാധ്യതയുണ്ട്. മാസം ആറു ദിവസം വെച്ച് ഒരു മാസത്തെ ശമ്പളം ഓര്‍ഡിനന്‍സ് പ്രകാരം പിടിക്കാനാണ് തീരുമാനം.
