രാജ്യത്ത് കൊവിഡ് ബാധിതരുടെ എണ്ണം 33,050 ആയി
ന്യൂഡല്‍ഹി: രാജ്യത്തെ കൊവിഡ് ബാധിതരുടെ എണ്ണം 33,050 ആയി ഉയര്‍ന്നു. മരണസംഖ്യ ആയിരം കടന്നു. കഴിഞ്ഞ 24 മണിക്കൂറിനിടയില്‍ രാജ്യത്ത് 1718 പേര്‍ക്ക് രോഗം കണ്ടെത്തി. 66 പേര്‍ മരിച്ചു. മഹാരാഷ്ട്രയിലും ഗുജറാത്തിലും മധ്യപ്രദേശിലുമാണ് കൂടുതല്‍ പേരും മരിച്ചത്.
കൊവിഡ് ബാധിച്ച 23,651 പേരാണ് ചികിത്സയില്‍ തുടരുന്നത്. 8324 പേര്‍ രോഗമുക്തി നേടി ആശുപത്രി വിട്ടു.
ഏറ്റവും കൂടുതല്‍ കോവിഡ് ബാധിതരുള്ള മഹാരാഷ്ട്രയില്‍ രോഗികളുടെ എണ്ണം 9915 ആയി ഉയര്‍ന്നു. വൈറസ് ബാധയെ തുടര്‍ന്ന് 432 പേര്‍ക്കാണ് ജീവന്‍ നഷ്ടമായത്. രണ്ടാംസ്ഥാനത്തുള്ള ഗുജറാത്തില്‍ 4082 കോവിഡ് കേസുകള്‍ റിപ്പോര്‍ട്ട് ചെയ്തു. 197 പേര്‍ മരണപ്പെട്ടു. ഡല്‍ഹിയില്‍ 3439 പേര്‍ക്കാണ് കോവിഡ് സ്ഥിരീകരിച്ചിടുള്ളത്. 56 പേര്‍ മരിച്ചു. രാജസ്ഥാനില്‍ 51 പേര്‍ക്കാണ് ജീവന്‍ നഷ്ടമായത്.
