ലോകത്ത് കോവിഡ് ബാധിതരുടെ എണ്ണം 26 ലക്ഷവും കടന്നു : മരണം 1,84,217
ലോകത്തെ കോവിഡ് ബാധിതരുടെ എണ്ണം അനിയന്ത്രിതമായി തുടരുന്നു. ആകെ വൈറസ് ബാധിതരുടെ എണ്ണം 26,37,673 ആയി. 1,84,217 പേരാണ് ഇതുവരെ വൈറസ് ബാധിച്ച് മരിച്ചത്. 7,17,625 പേർക്ക് മാത്രമാണ് ലോകത്ത് ഇതുവരെ രോഗം ഭേദമായത്.
അമേരിക്ക-8,48,994, സ്പെയിൻ-2,08,389, ഇറ്റലി-1,87,327, ഫ്രാൻസ്-1,59,877, ബ്രിട്ടൻ-1,33,495, ജർമനി-1,50,648 എന്നീ രാജ്യങ്ങളാണ് കോവിഡ് ബാധിതരുടെ എണ്ണത്തിൽ ഇപ്പോഴും മുന്നിൽ.
തുർക്കിയിലും ഇറാനിലും കോവിഡ് ബാധിതരുടെ എണ്ണത്തിൽ ദിനംപ്രതി വർധനവ് ഉണ്ട്. തുർക്കിയിൽ 98,674 പേർക്കും ഇറാനിൽ 85,996 പേർക്കുമാണ് കോവിഡുള്ളത്.
അമേരിക്കയിൽ 47,676 പേർ മരണത്തിനു കീഴടങ്ങിയപ്പോൾ സ്പെയിനിൽ 21,717പേർക്കും ഇറ്റലിയിൽ 25,085 പേർക്കും ഫ്രാൻസിൽ 21,340 പേർക്കുമാണ് വൈറസ് ബാധയേത്തുടർന്ന് ജീവൻ നഷ്ടപ്പെട്ടത്്. ബ്രിട്ടൻ- 18,100, ജർമനി- 5,315, ഇറാൻ- 5,391, തുർക്കി- 2,376 എന്നിങ്ങനെയാണ് മറ്റിടങ്ങളിലെ മരണ നിരക്ക്.
കോവിഡ് ബാധിതരുടൈ ആഗോള പട്ടികയിൽ ഇന്ത്യ 17ാം സ്ഥാനത്ത് തുടരുകയാണ്. 21,370 പേർക്കാണ്് രാജ്യത്ത് രോഗം ബാധിച്ചിട്ടുള്ളത്. 681 പേർ മരിക്കുകയും ചെയ്തു.