ഏഷ്യയിലെ വലിയ ധനികനായി വീണ്ടും മുകേഷ് അംബാനി
മുംബൈ: ജിയോയും ഫേസ്ബുക്കും തമ്മിലുള്ള കരാറിനെ തുടര്ന്ന് റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനി വീണ്ടും ഏഷ്യയിലെ ഏറ്റവും വലിയ ധനികനായി. ഇതോടെ ഇതുവരെ ഈ പദവി അലങ്കരിച്ചിരുന്ന ചൈനീസ് ശതകോടീശ്വരന് ജാക് മായെ പിന്തള്ളിയാണ് മുകേഷ് അംബാനി ഈ സ്ഥാനത്ത് വീണ്ടും എത്തിയത്.
ജിയോയിലെ 9.9 ശതമാനം ഓഹരി 5.7ബില്യണ് ഡോളറിനാണ് ഫേസ്ബുക്ക് ഏറ്റെടുത്തത്. ഇതോടെ ബ്ലൂംബെര്ഗ് ശതകോടീശ്വര സൂചിക പ്രകാരം അംബാനിയുടെ ആസ്ഥി 4.7 ബില്യണ് ഡോളറിൽ നിന്നും ഉയര്ന്ന് 49.2 ബില്യണ് ഡോളറില് എത്തി.
2014ല് വാട്സ്ആപ്പ് വാങ്ങിയതിന് ശേഷം ഫേസ്ബുക്ക് നടത്തുന്ന ഏറ്റവും വലിയ ഇടപാട് ആണിത്. ഡിജിറ്റല് ആപ്ലിക്കേഷനുകളും വയര്ലെസ് പ്ലാറ്റ്ഫോമും ഒരുമിച്ച് ഒരു കുടക്കീഴില് കൊണ്ടുവരുന്ന ജിയോ പ്ലാറ്റ്ഫോമുകളുടെ 10 ശതമാനം ഓഹരി ഫേസ്ബുക്ക് വാങ്ങുമെന്ന് മുകേഷ് അംബാനി ബുധനാഴ്ചയാണ് അറിയിച്ചത്.