ഞങ്ങള്‍ കുട്ടികള്‍ക്ക് പേന നല്‍കുമ്പോള്‍ അവര്‍ തോക്കുകള്‍ നല്‍കുന്നു: ബിജെപിക്കെതിരെ കെജ്‌രിവാള്‍
ന്യൂഡല്‍ഹി: ജാമിയ മിലിയ സര്‍വകലാശാലയ്ക്ക് മുന്നില്‍ നടന്ന വെടിവെയ്പ്പില്‍ പ്രതികരണവുമായി ഡല്‍ഹി മുഖ്യമന്ത്രി അരവിന്ദ് കേജ്‌രിവാള്‍ രംഗത്ത്.
ഞങ്ങള്‍ കുട്ടികള്‍ക്ക് പേനകള്‍ നല്‍കുമ്പോള്‍ മറ്റ് ചിലര്‍ നല്‍കുന്നത് തോക്കുകളാണ്. കുട്ടികള്‍ക്ക് പേനകളും കംപ്യൂട്ടറുകളും ഞങ്ങളുടെ പാര്‍ട്ടി നല്‍കുന്നു. അവരെ സംരഭകത്വത്തെ കുറിച്ച്‌ സ്വപ്നം കാണാന്‍ പ്രേരിപ്പിക്കുന്നു. എന്നാല്‍, മറ്റ് ചിലര്‍ കുട്ടികള്‍ക്ക് തോക്കുകള്‍ നല്‍കുകയും അവരില്‍ വിദ്വേഷം നിറയ്ക്കാനുമാണ് ശ്രമിക്കുന്നതെന്നും അദ്ദേഹം കുറ്റപ്പെടുത്തി.
