കേന്ദ്ര ബജറ്റ്: ശനിയാഴ്ച ഓഹരി വിപണി പ്രവര്‍ത്തിക്കും
ന്യൂഡല്‍ഹി: ഫെബ്രുവരി ഒന്നിനാണ് ധനമന്ത്രി നിര്‍മലാ സീതാരാമന്‍ തന്‍െറ രണ്ടാമത്തെ ബജറ്റ് അവതരിപ്പിക്കുന്നത്. ശനിയാഴ്ചയാണ് ഇക്കുറി ബജറ്റ് ദിവസം. ശനിയാഴ്ചകളില്‍ ഓഹരി വിപണിക്ക് അവധിയാണെങ്കിലും ബജറ്റായതിനാല്‍ ഫെബ്രുവരി ഒന്നിന് വിപണി തുറന്ന് പ്രവര്‍ത്തിക്കും. ബി.എസ്.ഇയിലെ ഉദ്യോഗസ്ഥനാണ് ഇക്കാര്യം അറിയിച്ചത്.
ബി.എസ്.ഇക്കൊപ്പം എന്‍.എസ്.ഇയും ശനിയാഴ്ച പ്രവര്‍ത്തിക്കുമെന്നാണ് റിപ്പോര്‍ട്ടുകള്‍. ശനിയാഴ്ചകളിലും, ഞായറാഴ്ചകളിലും മറ്റ് ദേശീയ അവധി ദിനങ്ങളിലും ഓഹരി വിപണി പ്രവര്‍ത്തിക്കാറില്ല.
2020ലെ പൊതുബജറ്റിന് മുന്നോടിയായി പ്രധാനമന്ത്രി നരേന്ദ്രമോദി നിരവധി യോഗങ്ങളാണ് വിളിക്കുന്നത്. കടുത്ത സാമ്പത്തിക പ്രതിസന്ധിക്കിടെയാണ് രാജ്യത്ത് ഇക്കുറി ബജറ്റ് അവതരിപ്പിക്കുന്നത്.
