ബാങ്ക് ജീവനക്കാരുടെ പണിമുടക്ക് ആരംഭിച്ചു
കൊച്ചി: കാലാവധി കഴിഞ്ഞ സേവന വേതന കരാര് പരിഷ്കരിക്കണമെന്നാവശ്യപ്പെട്ട് യൂണൈറ്റഡ് ഫോറം ഓഫ് ബാങ്ക് യൂണിയന്സ് ആഹ്വാനം ചെയ്ത ബാങ്ക് ജീവനക്കാരുടെ 48 മണിക്കൂര് പണിമുടക്ക് ആരംഭിച്ചു. ജനുവരി 31, ഫെബ്രുവരി ഒന്ന് ദിവസങ്ങളിലായിട്ടാണ് പണിമുടക്ക് നടത്തുന്നത്.
പൊതു, സ്വകാര്യ മേഖല ബാങ്കുകളിലെ പത്തുലക്ഷം ജീവനക്കാരും ഓഫീസര്മാരും പണിമുടക്കുന്നുണ്ട് . ജീവനക്കാരുടെ ആവശ്യങ്ങള് ഉന്നയിച്ചുള്ള നിവേദനം നാളെ ജില്ലാ കളക്ടര്മാര് വഴി പ്രധാനമന്ത്രിക്ക് നല്കും. ഇവ അംഗീകരിച്ചില്ലെങ്കില് മാര്ച്ച് 11 മുതല് 13 വരെ വീണ്ടും പണിമുടക്കും.
പെന്ഷന് പരിഷ്കരിക്കുക, കുടുംബ പെന്ഷന് വര്ധിപ്പിക്കുക, പ്രവര്ത്തന ലാഭാടിസ്ഥാനത്തില് സ്റ്റാഫ് വെല്ഫെയര് ഫണ്ട് പുതുക്കിനിശ്ചയിച്ച് പഞ്ചദിന വാര പ്രവര്ത്തനം നടപ്പാക്കുക, തുടങ്ങിയ ആവശ്യങ്ങളും ഉന്നയിച്ചാണ് സമരം.