മാവോയിസ്റ്റ് ബന്ധം ആരോപിച്ച് കോഴിക്കോട്ട് രണ്ട് പേര് അറസ്റ്റിൽ
![](https://www.newswings.online/wp-content/uploads/2018/11/bathroom-women_710x400xt-1.jpg)
കോഴിക്കോട് : മാവോയിസ്റ്റ് ലഘുലേഖയുമായി കോഴിക്കോട് രണ്ട് പേര് പിടിയിലായി. കോഴിക്കോട് പന്തീരാങ്കാവ് സ്വദേശികളായ അലന് ഷുഹൈബ്, താഹ ഫസല് എന്നിവരാണ് പിടിയിലായത്. ഇവര് സിപിഎം ബ്രാഞ്ച് കമ്മിറ്റി അംഗങ്ങളാണ്.
അലന് ഷുഹൈബ് സിപിഎം തിരുവണ്ണൂര് ബ്രാഞ്ച് കമ്മിറ്റി അംഗവും, താഹ പാറമ്മല് ബ്രാഞ്ച് കമ്മിറ്റി അംഗവുമാണ്. ഇവരുടെ അറസ്റ്റ് പൊലീസ് രേഖപ്പെടുത്തി. ഇരുവര്ക്കുമെതിരെ യുഎപിഎ ചുമത്തി.
ഇവര് മാവോയിസ്റ്റ് ലഘുലേഖ വിതരണം ചെയ്തെന്നും, ലഘുലേഖകള് കണ്ടെടുത്തതായും പൊലീസ് അറിയിച്ചു. മഞ്ചക്കണ്ടിയില് മാവോയിസ്റ്റുകളെ വെടിവെച്ചുകൊന്ന പൊലീസ് നടപടിയില് പ്രതിഷേധിച്ചുകൊണ്ടുള്ള ലഘുലേഖയാണ് ഇവരില് നിന്നും പിടിച്ചെടുത്തത്.
വെള്ളിയാഴ്ച വൈകീട്ടോടെകോഴിക്കോട് പന്തീരാങ്കാവില് വെച്ചാണ് ഇവരെ പൊലീസ് കസ്റ്റഡിയിലെടുത്തത്.ഇരുവരുടെയും വീട്ടില് പൊലീസ് പരിശോധന നടത്തി.
കണ്ണൂര് സര്വകലാശാലയില് നിയമബിരുദ വിദ്യാര്ഥിയാണ് അലന്. മാധ്യമവിദ്യാര്ഥിയാണ് താഹ ഫസല്.