പാലാരിവട്ടം പാലം അഴിമതിക്കേസിൽ മൂന്ന് പ്രതികള്ക്ക് ജാമ്യം
കൊച്ചി: പാലാരിവട്ടം പാലം നിര്മാണത്തിലെ അഴിമതിയുമായി ബന്ധപ്പെട്ട കേസിലെ എല്ലാ പ്രതികള്ക്കും കോടതി ജാമ്യം അനുവദിച്ചു. കേസിലെ പ്രതികളായ ടി.ഒ സൂരജ്, ടി.വി തങ്കച്ചന്, സുമിത് ഗോയല് എന്നിവര്ക്കാണ് ഹൈക്കോടതി ജാമ്യം അനുവദിച്ചത്. കര്ശന ഉപാധികളോടെയാണ് ജസ്റ്റിസ് സുനില് തോമസ് ജാമ്യം അനുവദിച്ചത്.
ഇതിനിടെ, പാലാരിവട്ടം മേല്പ്പാലം അതീവ ദുര്ബലമെന്ന് സംയുക്ത പരിശോധനാ സമിതിയുടെ റിപ്പോര്ട്ട്. പാലത്തിന്റെ ഗര്ഡറില് 2183 വിള്ളലുകളുണ്ട്. ഇതില് 99 എണ്ണവും മൂന്ന് മില്ലിമീറ്ററില് കൂടുതല് നീളമുള്ളതാണ്. ഇവ അതീവഗുരുതരമാണെന്നും പരിശോധനാ റിപ്പോര്ട്ടില് പറയുന്നു.