മഹാരാഷ്ട്രയിലെ ശിവസേന – എന്സിപി സര്ക്കാറിനെ കോണ്ഗ്രസ് പുറത്തുനിന്ന് പിന്തുണക്കും
മഹാരാഷ്ട്രയിലെ ശിവസേന – എന്സിപി സര്ക്കാരിനെ കോണ്ഗ്രസ് പുറത്തുനിന്ന് പിന്തുണയ്ക്കും. ഇതുസംബന്ധിച്ച ഔദ്യോഗിക പ്രഖ്യാപനം ഉടനുണ്ടാവുമെന്നാണ് വിവരം. ശിവസേനയ്ക്ക് പിന്തുണ പ്രഖ്യാപിച്ച് കോണ്ഗ്രസ് നേതൃത്വം ഗവര്ണര്ക്ക് ഫാക്സ് അയച്ചു. എൻസിപി നേതൃത്വവും പിന്തുണ പ്രഖ്യാപിച്ച് ഗവർണർക്ക് ഫാക്സ് അയച്ചിട്ടുണ്ട്.
ശിവസേനയ്ക്ക് പിന്തുണ നല്കണോ എന്നകാര്യത്തില് തീരുമാനമെടുക്കാന് കോണ്ഗ്രസിന്റെ ഇടക്കാല പ്രസിഡന്റെ സോണിയാ ഗാന്ധിയുടെ അധ്യക്ഷതയില് ഇന്ന് രണ്ടുതവണ ഉന്നതതല യോഗം ചേര്ന്നിരുന്നു. അതിനിടെ, ശിവസേന തലവന് ഉദ്ധവ് താക്കറെ സര്ക്കാര് രൂപവത്കരണത്തിന് പിന്തുണതേടി സോണിയയുമായി നേരിട്ട് ഫോണില് ബന്ധപ്പെടുകയും ചെയ്തു.
ഇതിനെല്ലാം പിന്നാലെയാണ് ശിവസേന സർക്കാരിനെ പുറത്തു നിന്ന് പിന്തുണയ്ക്കാൻ കോൺഗ്രസ് തീരുമാനിച്ചതെന്നാണ് വിവരം.