പാലാരിവട്ടം മേല്പ്പാലം അതീവ ദുര്ബലമെന്ന് റിപ്പോര്ട്ട്
![](https://www.newswings.online/wp-content/uploads/2019/05/palarivattom-fly-over.jpeg)
കൊച്ചി: പാലാരിവട്ടം മേല്പ്പാലം അതീവ ദുര്ബലമെന്ന് സംയുക്ത പരിശോധനാ സമിതിയുടെ റിപ്പോര്ട്ട്. പാലത്തിന്റെ ഗര്ഡറില് 2183 വിള്ളലുകള് കണ്ടെത്തി. ഇതില് 99 വിള്ളലുകള്ക്ക് .3 മില്ലി മീറ്റീററില് കൂടുതല് വലുപ്പമുണ്ട്. ഇവ അതീവ ഗുരുതരമാണെന്നും പരിശോധനാ റിപ്പോര്ട്ടില് വ്യക്തമാക്കുന്നു.
ഇതുകൂടാതെ ഗര്ഡറുകള് പരിശോധിച്ച പൊതുമരാമത്ത് വകുപ്പിന്റെ അസി. എഞ്ചിനിയര് അപകടകരമായ രീതിയില് 6 വളവുകളും കണ്ടെത്തി. പിയര് ക്യാപ്പില് 83 വിള്ളല് കണ്ടെത്തി. ഇതില് അഞ്ചെണ്ണം 0.33 മില്ലിമീറ്ററില് കൂടുതലാണ്. പൊതുമരാമത്ത് വകുപ്പിന്റെ ക്വാളിറ്റി കണ്ട്രോള് ലാബിലാണ് പരിശോധന നടത്തിയത്.
പാലത്തിലൂടെ ഭാരമേറിയ വാഹനങ്ങള് കടന്നു പോകുന്നത് വിള്ളല് വര്ധിപ്പിക്കും. 66 സെന്റിമീറ്ററില് കൂടുതലുള്ള വളവുകള് ഗര്ഡറിലുണ്ടെന്നും റിപ്പോര്ട്ടിലുണ്ട്. പരിശോധനാ റിപ്പോര്ട്ട് ഹൈക്കോടതിക്ക് കൈമാറി.