മ്യാന്മറില് വിഘടനവാദികള് തട്ടിക്കൊണ്ടുപോയ ഇന്ത്യക്കാരന് മരിച്ചു
ന്യൂഡല്ഹി: മ്യാന്മറില് വിഘടനവാദികള് തട്ടിക്കൊണ്ടുപോയ ഇന്ത്യാക്കാരന് മരിച്ചു. കെട്ടിടനിര്മാണ മേഖലയില് ജോലി ചെയ്തിരുന്ന വിനു ഗോപാലാണു മരിച്ചത്. അരാക്കന് ആര്മി എന്ന സംഘടനയാണു വിനു അടക്കമുള്ളവരെ സംഘര്ഷ മേഖലയായ റാഖിനില്നിന്നു തട്ടിക്കൊണ്ടുപോയത്. തട്ടിക്കൊണ്ടുപോയ പത്തുപേരില് അഞ്ചുപേര് ഇന്ത്യക്കാരായിരുന്നു. വിനു ഗോപാല് മരിച്ചതായി സര്ക്കാരും വിഘടനവാദികളും തിങ്കളാഴ്ച അറിയിച്ചു.
ഇവരില് ഏഴ് പേരെ അരാക്കന് ആര്മി തിങ്കളാഴ്ച വിട്ടയച്ചു. ഇവരുടെ കൂടെ വിനു ഗോപാലന്റെ മൃതദേഹവുമുണ്ടായിരുന്നു. മറ്റ് മൂന്ന് ഇന്ത്യക്കാരെയും വിട്ടയച്ചിട്ടുണ്ട്. വിനു ഗോപാലനെക്കുറിച്ചുള്ളമറ്റ് വിവരങ്ങള് ലഭ്യമായിട്ടില്ല.
1,640 കിലോമീറ്റര് നീളമുള്ള അതിര്ത്തി പങ്കിടുന്ന ഇന്ത്യയുടെ തന്ത്രപ്രധാനമായ അതിര്ത്തി രാജ്യമാണ് മ്യാന്മര്. മ്യാന്മറിലെ റാഖൈന് ബുദ്ധമതക്കാരുടെ സ്വയംഭരണത്തിനായി ഒരു ദശാബ്ദത്തോളമായി പോരാടുന്ന സായുധ സംഘമാണ് അരാക്കന് ആര്മി.