അന്തരീക്ഷ മലിനീകരണം: ഡല്ഹിയില് വിദ്യാഭ്യാസ സ്ഥാപനങ്ങളുടെ അവധി നീട്ടി
![](https://www.newswings.online/wp-content/uploads/2019/03/delhi-air-polution.jpg)
ന്യൂഡല്ഹി: ഡല്ഹിയില് അന്തരീക്ഷ മലിനീകരണം രൂക്ഷമായി തുടരുന്ന സാഹചര്യത്തില് വിദ്യാഭ്യാസ സ്ഥാപനങ്ങളുടെ അവധി നീട്ടി. സര്ക്കാരിന്റെ കീഴിലുള്ള കോളജുകള്ക്ക് ഈ മാസം എട്ടുവരെ അവധി പ്രഖ്യാപിച്ചു. സ്കൂളുകള്ക്കുള്ള അവധിയും എട്ടാം തീയതി വരെ നീട്ടി.
ഡല്ഹിയില് പുകമഞ്ഞ് രൂക്ഷമായ സാഹചര്യത്തില് സംസ്ഥാന പരിസ്ഥിതി മലിനീകരണ നിയന്ത്രണ അതോറിറ്റി ആരോഗ്യ അടിയന്തരാവസ്ഥ പ്രഖാപിച്ചിരിക്കുകയാണ്. ഞായറാഴ്ച രാവിലെ കനത്ത പുകമഞ്ഞ് മൂലം ഇന്ദിരാഗാന്ധി അന്താരാഷ്ട്ര വിമാനത്തില് ഇറങ്ങേണ്ട 32 വിമാനങ്ങള് വഴി തിരിച്ചു വിട്ടു.