മാവോയിസ്റ്റ് ഏറ്റുമുട്ടല്: അന്വേഷണ ഉദ്യോഗസ്ഥനെ മാറ്റി
അട്ടപ്പാടി മഞ്ചക്കണ്ടിയിലുണ്ടായ വെടിവയ്പ്പില് നാല് മാവോവാദികള് കൊല്ലപ്പെട്ട കേസ് അന്വേഷിക്കുന്ന ക്രൈംബ്രാഞ്ച് അന്വേഷണ ഉദ്യോഗസ്ഥനെ മാറ്റി. ഡിവൈഎസ്പി ഫിറോസിനെയാണ് മാറ്റിയത്. പകരം ഡിവൈഎസ്പി വി എ ഉല്ലാസിന് ചുമതല നല്കി. രണ്ടാം ദിവസത്തെ വെടിവയ്പ്പ് നടക്കുമ്ബോള് ഫിറോസിന്റെ സാന്നിധ്യം പ്രദേശത്തുണ്ടായിരുന്നതിനാലാണ് മാറ്റിയത്.
വെടിവയ്പ്പിന് സാക്ഷിയായ ഉദ്യോഗസ്ഥന്തന്നെ കേസന്വേഷിക്കുന്നത് ഉചിതമാവില്ലെന്ന വ്യക്തമാക്കിയാണ് ക്രൈംബ്രാഞ്ചിന്റെ നടപടി.
ഇത്തരത്തില് മുന്പ് കേസില് ബന്ധപ്പെട്ടിട്ടുണ്ടെങ്കില് അവരെ അന്വേഷണസംഘത്തില് ഉള്പ്പെടുത്താന് പാടില്ല എന്ന സുപ്രീം കോടതി നിര്ദേശമുള്ളതിനാലാണ് നടപടി. എസ് പി സന്തോഷിനാണ് അന്വേഷണത്തിന്റെ മേല്നോട്ടം.