പാലക്കാട് വീണ്ടും ഏറ്റുമുട്ടലെന്ന് സൂചന: വനത്തില് നിന്ന് വെടിയൊച്ച
![](https://www.newswings.online/wp-content/uploads/2019/03/Maoists.jpeg)
പാലക്കാട്: മഞ്ചക്കണ്ടി വനത്തില് വീണ്ടും പോലീസും മാവോവാദികളും തമ്മില് ഏറ്റുമുട്ടല് നടക്കുന്നെന്ന് സംശയം. വനത്തിലുള്ളില്നിന്ന് വെടിയൊച്ചകള് കേട്ടു. കഴിഞ്ഞദിവസം കൊല്ലപ്പെട്ട മാവോവാദികളുടെ മൃതദേഹങ്ങളുടെ ഇന്ക്വസ്റ്റ് ആരംഭിച്ചിട്ടുണ്ട്.
മേലെ മഞ്ജിക്കണ്ടി കാടിനകത്താണ് മാവോയിസ്റ്റുകളും തണ്ടര് ബോള്ട്ട് സംഘവും തമ്മില് ഏറ്റുമുട്ടലുണ്ടായത്. മേഖലയില്നിന്ന് തുടര്ച്ചയായി വെടിയൊച്ചകള് കേട്ടതായി മഞ്ജിക്കണ്ടി ഊരുനിവാസികള് പറഞ്ഞു.
കഴിഞ്ഞ ദിവസത്തെ ഏറ്റുമുട്ടലില് വനത്തിനുള്ളിലേക്ക് ചിതറിയോടിയവരാണ് വെടിവയ്പ് നടത്തിയതെന്നാണ് വിവരം. മാവോയിസ്റ്റുകളുടെ പക്കല് കൂടുതല് ആയുധങ്ങള് ഉള്ളതായുമാണ് തണ്ടര് ബോള്ട്ട് സംഘത്തിന്റെ നിഗമനം.