കുല്‍ഭൂഷണ്‍ ജാദവ് കേസ്: പാക്കിസ്ഥാനെതിരെ രാജ്യാന്തര നീതിന്യായ കോടതി
ന്യൂഡല്‍ഹി : കുല്‍ഭൂഷണ്‍ ജാദവ് കേസില്‍ പാക്കിസ്ഥാനെ വീണ്ടും വിമര്‍ശിച്ച്‌ രാജ്യാന്തര നീതിന്യായ കോടതി. ഐക്യരാഷ്ട്രസഭയ്ക്ക് നല്‍കിയ റിപ്പോര്‍ട്ടില്‍ വിയന്ന ഉടമ്പടി പാക്കിസ്ഥാന്‍ ലംഘിച്ചെന്ന് ഐസിജെ അധ്യക്ഷന്‍ ജസ്റ്റിസ് അബ്ദുള്‍ഖാവി അഹമ്മദ് യൂസഫ് കുറ്റപ്പെടുത്തി. പാക്കിസ്ഥാന്‍റെ ഭാഗത്തുനിന്നു പ്രശ്‌ന പരിഹാര മാര്‍ഗങ്ങള്‍ ഉണ്ടാകുമെന്നാണ് പ്രതീക്ഷിച്ചതെന്നും അദ്ദേഹം വ്യക്തമാക്കി. ജൂലൈയിലെ അന്താരാഷ്ട്ര നീതിന്യായ കോടതി വിധിക്കു പിന്നാലെ ഇന്ത്യ-പാക് സംഘര്‍ഷം ലഘുകരിക്കാന്‍ സാധിച്ചതായും അബ്ദുള്‍ഖാവി അഹമ്മദ് യൂസഫ് പറഞ്ഞു.
