രാജസ്ഥാനിൽ ശ്യാമപ്രസാദ് മുഖർജിയുടെ പ്രതിമ തകർത്തു
ബിൽവാര: രാജ്യത്ത് വീണ്ടും പ്രതിമ തകർക്കൽ. രാജസ്ഥാനിൽ ഭാരതീയ ജനസംഘം സ്ഥാപക നേതാവ് ശ്യാമപ്രസാദ് മുഖർജിയുടെ പ്രതിമ തകർക്കപ്പെട്ടു. ഞായറാഴ്ച രാത്രിയോടെ ബിൽവാര ജില്ലയിലെ ഷാപുര നഗരത്തിലുള്ള പ്രതിമയാണ് തകർക്കപ്പെട്ടത്. സംഭവത്തെക്കുറിച്ചു അന്വേഷണം തുടങ്ങിയെന്നു ഷാപുര പോലീസ് പറഞ്ഞു.
കഴിഞ്ഞവർഷം ത്രിപുരയിൽ ലെനിന്റെ പ്രതിമകൾ തകർത്തതിനു പിന്നാലെയാണ് രാജ്യത്ത് പ്രതിമകൾക്ക് നേരെ ആക്രമണങ്ങൾ തുടങ്ങിയത്. തമിഴ്നാട്ടിൽ ദ്രാവിഡ രാഷ്ട്രീയ ആചാര്യനായ പെരിയാർ ഇ.വി. രാമസാമി നായ്ക്കറുടെയും ഉത്തർപ്രദേശിലെ മീററ്റിൽ ഡോ. ബി.ആർ. അംബേദ്കറിന്റെ പ്രതിമയും തകർക്കപ്പെട്ടിരുന്നു. കോൽക്കത്തയിൽ ശ്യാമപ്രസാദ് മുഖർജിയുടെ പ്രതിമ കരിഓയിലൊഴിച്ചു വികൃതമാക്കുകയും ചെയ്തിരുന്നു.