നാലു ഇന്ത്യൻ മത്സ്യത്തൊഴിലാളികള് ശ്രീലങ്കന് നാവിക സേനയുടെ പിടിയില്
രാമേശ്വരം: ഇന്ത്യൻ പൗരന്മാരായ നാലു മത്സ്യത്തൊഴിലാളികളെ ശ്രീലങ്കന് നാവികസേന പിടികൂടി. ഇന്ന് പുലർച്ചെ ഡെല്ഫ്റ്റ് ദ്വീപിന് സമീപത്ത് നിന്നാണ് ഇവരെ കസ്റ്റഡിയിലെടുത്തത്. ഇവര് സഞ്ചരിച്ചിരുന്ന ബോട്ടും ലങ്കൻ സേന കസ്റ്റഡിയിൽ എടുത്തു.
തമിഴ്നാട്ടിലെ രാമേശ്വരത്ത് നിന്ന് മത്സ്യബന്ധനത്തിന് പോയവരാണ് പിടിയിലായത്. മത്സ്യത്തൊഴിലാളികളെ കങ്കേഷന്തുറൈ നാവിക താവളത്തിലേക്ക് മാറ്റിയിരിക്കുകയാണെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്തു.