സോണിയ ഗാന്ധി കോൺഗ്രസ് ഇടക്കാല അധ്യക്ഷ
ന്യൂഡൽഹി: സോണിയ ഗാന്ധിയെ കോൺഗ്രസ് ഇടക്കാല അധ്യക്ഷയായി തെരഞ്ഞെടുത്തു. കോൺഗ്രസ് പ്രവർത്തകസമിതി യോഗത്തിലാണ് തീരുമാനമായത്. രാഹുൽ ഗാന്ധി രാജി വെച്ച സാഹചര്യത്തിൽ അധ്യക്ഷസ്ഥാനത്തേക്ക് ഉയർന്ന മറ്റ് പേരുകളിൽ തീരുമാനമാകാതെ വന്നതോടെയാണ് സോണിയയിൽ വന്നു ചേർന്നത്.
മല്ലികാർജ്ജുൻ ഗാർഗെ, മുകുൾ വാസ്നിക്, സചിൻ പൈലറ്റ് തുടങ്ങിയ നേതാക്കളുടെ പേരുകൾ അധ്യക്ഷ പദവിയിലേക്ക് പരിഗണിച്ചിരുന്നു. എന്നാൽ നിലവിൽ പരിചയസമ്പന്നനായ മുതിർന്ന നേതാവ് തന്നെ കോൺഗ്രസിനെ നയിക്കണമെന്ന അഭിപ്രായമുയർന്നതോടെ അധ്യക്ഷ പദവി സോണിയക്ക് തന്നെ ഏറ്റെടുക്കേണ്ടതായി വരികയായിരുന്നു.
