നവജാത ശിശുവിന്റെ മൃതദേഹം പ്ലാസ്റ്റിക് സഞ്ചിയിൽ ഉപേക്ഷിച്ച നിലയിൽ
വയനാട് പുൽപ്പള്ളിയിൽ ഉപേക്ഷിച്ച നിലയിൽ നവജാത ശിശുവിന്റെ മൃതദേഹം കണ്ടെത്തി. വീട്ടിമൂല കോളനിക്ക് സമീപത്തെ വനാതിർത്തിയിലാണ് മൃതദേഹം പ്ലാസ്റ്റിക് സഞ്ചിയിൽ ഉപേക്ഷിച്ച നിലയിൽ കണ്ടെത്തിയത്. പുൽപ്പള്ളി പൊലീസ് സ്ഥലത്തെത്തി പരിശോധന നടത്തി.
നാല് ദിവസം പ്രായമായ പെൺകുഞ്ഞിന്റെ മൃതദേഹമാണ് കണ്ടെത്തിയിരിക്കുന്നത്. കോളനിയിലെ യുവതി പ്രസവിച്ച പെൺകുഞ്ഞിന്റെ മൃതദേഹമാണെന്നാണ് സംശയിക്കപ്പെടുന്നത്.