കര്‍ണാടകയില്‍ വീണ്ടും ഒരു കോണ്‍ഗ്രസ് എം എല്‍ എയെ കാണാതായി.
ബംഗളൂരു: കർണാടകയിൽ വിശ്വാസവോട്ടെടുപ്പ് നടക്കാൻ മണിക്കൂറുകൾ മാത്രം ശേഷിക്കെ റിസോർട്ടിൽ താമസിപ്പിച്ചിരുന്ന കോൺഗ്രസ് എംഎൽഎ ചാടിപ്പോയതായി റിപ്പോർട്ട്. കോൺഗ്രസ് ക്യാന്പിലുണ്ടായിരുന്ന ശ്രീമന്ത് പാട്ടീലിനെയാണ് ബുധനാഴ്ച രാത്രി മുതൽ കാണാതായത്.
ബുധനാഴ്ച രാത്രിയിൽ സിദ്ധരാമയ്യയുടെ നേതൃത്വത്തിൽ റിസോർട്ടിൽ യോഗം സംഘടിപ്പിച്ചിരുന്നു. ഇതിനിടെയാണ് എംഎൽഎയെ കാണാതായതായുള്ള റിപ്പോർട്ടുകൾ വരുന്നത്. അതേസമയം, ഈ വാർത്ത കോൺഗ്രസ് നിഷേധിച്ചു. എംഎൽഎ ആശുപത്രിയിൽ പോയതാണെന്നാണ് കെപിസിസിയുടെ വിശദീകരണം.
