ബംഗ്ലാദേശി നടി അഞ്ജു ഘോഷ് ബിജെപിയിൽ ചേര്ന്നു.
കൊൽക്കത്ത: പ്രമുഖ ബംഗ്ലാദേശി നടി അഞ്ജു ഘോഷ് ബിജെപിയിൽ ചേർന്നു. കോൽക്കത്തയിൽ പാർട്ടി സംസ്ഥാന അധ്യക്ഷൻ ദിലീപ് ഘോഷ് ബിജെപി അംഗത്വം അഞ്ജുവിന് നൽകി. ചടങ്ങിൽ ബിജെപി പതാക അഞ്ജു ഘോഷിന് പാർട്ടി അധ്യക്ഷൻ കൈമാറി.
ബംഗ്ലാദേശിലെ ഏറ്റവും വലിയ പണംവാരിപ്പടമായ ബെദർ മെയെ ജോസ്നയിലെ പ്രധാനകഥാപാത്രത്തെ അഞ്ജു ഘോഷാണ് അവതരിപ്പിച്ചത്. അറുപത്തിമൂന്നുകാരിയായ അഞ്ജു ഇപ്പോൾ സിനിമ അഭിനയം ഉപേക്ഷിച്ച് വിശ്രമ ജീവിതം നയിക്കുകയാണ്. നേരത്തെ ബംഗ്ലാദേശി നടൻ തൃണമൂൽ കോൺഗ്രസിനു വേണ്ടി ലോകസഭാ തെരഞ്ഞെടുപ്പിൽ പ്രചരണം നടത്തിയത് വിവാദമായിരുന്നു.