ജൂണ് 18 ചൊവ്വാഴ്ച്ച സംസ്ഥാനത്ത് വാഹന പണിമുടക്ക്
![](https://www.newswings.online/wp-content/uploads/2019/06/STRIKE1.jpg)
തിരുവനന്തപുരം: ജൂണ് 18 ചൊവ്വാഴ്ച സംസ്ഥാനത്ത് വാഹനപണിമുടക്ക്. ബസ്, ഓട്ടോ, ലോറി, ടാക്സി വാഹനങ്ങളാണ് പണിമുടക്കുക. വാഹനങ്ങള്ക്ക് ജിപിഎസ് നിര്ബന്ധമാക്കുന്നതില് പ്രതിഷേധിച്ചാണ് പണിമുടക്ക്. തൃശൂരില് ചേര്ന്ന മോട്ടോര് വാഹന സംരക്ഷണ സമിതി യോഗത്തിലാണ് പണിമുടക്കുമായി ബന്ധപ്പെട്ട തീരുമാനമുണ്ടായത്. വിവിധ സംഘടനകളുടെ നേതാക്കളും യോഗത്തില് പങ്കെടുത്തു.
ഓട്ടോറിക്ഷ ഒഴികെയുള്ള പൊതുഗതാഗത വാഹനങ്ങളില് ജിപിഎസ് കഴിഞ്ഞ ഒന്നാം തീയതി മുതല് നിര്ബന്ധമാക്കിയിരുന്നു. എന്നാല്, തുടക്കസമയത്തെ പരിമിതികള് മൂലം വാഹനപരിശോധന നടത്തി ജിപിഎസ് ഇല്ലാത്തവര്ക്കെതിരെ പിഴ ഈടാക്കേണ്ടതില്ലെന്ന് മോട്ടോര് വാഹന വകുപ്പ് തീരുമാനിച്ചിരുന്നു. ഉപകരണങ്ങള് വേണ്ടത്ര ലഭ്യമല്ലെന്ന വാഹന ഉടമകളുടെ പരാതികള് കൂടി പരിഗണിച്ചായിരുന്നു തീരുമാനം.