യു എന്നില്‍ ഇസ്രയേലിന് വോട്ട് ചെയ്‍ത് ഇന്ത്യ.

ന്യൂയോര്‍ക്ക്: പലസ്‍തീനില്‍ നിന്നുള്ള ഒരു സന്നദ്ധ സംഘടനയ്‍ക്ക് ഉപദേശക പദവി നല്‍കാനുള്ള തീരുമാനത്തെ എതിര്‍ത്ത് വോട്ട് ചെയ്‍ത്‍ ഇന്ത്യ. ഇസ്രയലിന് അനുകൂലമായാണ് ഇന്ത്യ വോട്ട് ചെയ്‍തത്. അപൂര്‍വമായാണ് ഇന്ത്യ, പലസ്‍തീന് എതിരെ വോട്ട് രേഖപ്പെടുത്തുന്നത്.

പലസ്‍തീന്‍ വിമോചന സായുധ സംഘടനയായ ഹമാസിനോട് ബന്ധമുള്ള സന്നദ്ധ സംഘടനയാണ് പലസ്‍തീനിയന്‍ അസോസിയേഷന്‍ ഓഫ് ഹ്യൂമന്‍ റൈറ്റ്‍സ്‍ എന്ന് ആരോപിച്ചാണ് ഇസ്രയേല്‍ പ്രമേയം കൊണ്ടുവന്നത്. യുഎന്‍ ഇക്കണോമിക് ആന്‍ഡ്‍ സോഷ്യല്‍ കൗണ്‍സില്‍ (ഇസിഒഎസ്‍ഒസി) ആണ് പ്രമേയം അംഗീകരിച്ചത്.

ഇന്ത്യ ഉള്‍പ്പെടെ 28 രാജ്യങ്ങള്‍ പ്രമേയത്തെ അനുകൂലിച്ചു. 15 രാജ്യങ്ങള്‍ എതിര്‍ത്തു. അഞ്ച് പേര്‍ വോട്ട് ചെയ്‍തില്ല.

മതിയായ വിവരങ്ങള്‍ സംഘടന സമര്‍പ്പിച്ചിട്ടില്ലെന്ന് യുഎന്‍ നിരീക്ഷിച്ചു. നിലവിലെ വിവരങ്ങള്‍ പരിഗണിച്ച് പിന്തുണ വോട്ട് ചെയ്യാന്‍ കഴിയില്ലെന്നാണ് ഇന്ത്യ സ്വീകരിച്ച നയം.

error: Content is protected !!