ദക്ഷിണാഫ്രിക്കയിൽ പ്രമുഖ ഹോളിവുഡ് നടന് അര്നോള്ഡ് ഷ്വാസ്നഗർക്കു നേരെ ആക്രമണം.
![](https://www.newswings.online/wp-content/uploads/2019/05/1.jpg)
ജൊഹാനാസ്ബർഗ്: ദക്ഷിണാഫ്രിക്കയിൽ പ്രമുഖ ഹോളിവുഡ് നടന് അര്നോള്ഡ് ഷ്വാസ്നഗർക്കു നേരെ ആക്രമണം. അർനോൾഡ് ക്ലാസിക് ആഫ്രിക്ക സ്പോർട്ടിംഗ് ഇവന്റുമായി ബന്ധപ്പെട്ട് ആരാധകരുമായി സംവദിക്കുമ്പോഴാണ് ആക്രമണം ഉണ്ടായത്. പരിപാടിക്കിടെ മുന് കാലിഫോര്ണിയ ഗവര്ണർ കൂടിയായ അർനോൾഡിനെ ഒരാൾ പിന്നിൽനിന്ന് തൊഴിക്കുകയായിരുന്നു.
അപ്രതീക്ഷിതമായി പിൻഭാഗത്ത് തൊഴികൊണ്ട ഷ്വാസ്നഗർ മുന്നോട്ട് ആഞ്ഞു. അക്രമി തറയിൽ വീണു. ഉടൻ തന്നെ സുരക്ഷാ ഉദ്യോഗസ്ഥർ അക്രമിയെ കീഴ്പ്പെടുത്തി. സംഭവസ്ഥലത്തുനിന്നും ഇയാളെ മാറ്റുകയും ചെയ്തു. പിന്നീട് അക്രമിയെ പോലീസിനു കൈമാറി. ഇതിന്റെ വീഡിയോ സമൂഹമാധ്യമങ്ങളിൽ വൈറലായിരിക്കുകയാണ്. സംഭവത്തിൽ തനിക്ക് പരിക്കേറ്റിട്ടില്ലെന്നു സൂചിപ്പിച്ച് ഷ്വാസ്നഗർ ട്വീറ്റ് ചെയ്തു. തന്നെക്കുറിച്ചുള്ള ഉത്കണ്ഠയ്ക്കു ആരാധകരോട് അദ്ദേഹം നന്ദിപറയുകയും ചെയ്തു.
ആളുകളുടെ തിക്കിത്തിരക്കിൽ പെട്ടുപോയതാണെന്നാണ് ആദ്യം കരുതിയത്. പിന്നീട് ഇതിന്റെ വീഡിയോ കണ്ടപ്പോഴാണ് തനിക്ക് മർദനം ഏറ്റതായി മനസിലായത്. തന്റെ സംവാദ പരിപാടി അലങ്കോലമാകാതിരുന്നതിൽ സന്തോഷമുണ്ടെന്നും ഷ്വാസ്നഗർ ട്വീറ്റിൽ പറഞ്ഞു.