മുന്‍ എംപി എംബി രാജേഷിന്‍റെ വീടിന് നേരെ ആക്രമണം
ഷൊര്‍ണൂര്‍: സിപിഎം നേതാവും മുന്‍ പാലക്കാട് എംപിയുമായ എംബി രാജേഷിന്‍റെ വീടിന് നേര്‍ക്ക് ആക്രമണം. ഷൊര്‍ണൂര്‍ കയിലിയാട്ടെ വീടിന് നേരെയാണ് ഒരു സംഘമാളുകള്‍ ആക്രമണമഴിച്ചുവിട്ടത്. വീട്ടിലേക്ക് അക്രമികള്‍ ബോംബെറിഞ്ഞു.
ആക്രമണത്തിന് പിന്നില്‍ കോണ്‍ഗ്രസ് ആണെന്നാണ് സിപിഎമ്മിന്‍റെ ആരോപണം. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
ലോക്സഭാ തെരഞ്ഞെടുപ്പില്‍ പാലക്കാട് വലിയ ഭൂരിപക്ഷത്തില്‍ എംബി രാജേഷിനെ കോണ്‍ഗ്രസ് സ്ഥാനാര്‍ത്ഥി വികെ ശ്രീകണ്ഠന്‍ പരാജയപ്പെടുത്തിയിരുന്നു. ഇതിന്‍റെ ആഹ്ളാദ പ്രകടനങ്ങളും പരിപാടികളുമാണ് മണ്ഡലത്തിലുടനീളം നടക്കുന്നത്. ഇതിന് പിന്നാലെയാണ് എംബി രാജേഷിന്‍റെ വീടിന് നേര്‍ക്ക് ആക്രമണമുണ്ടായിരിക്കുന്നത്.
