വടകര ഒഞ്ചിയത്ത് ആർഎംപി പ്രവർത്തകന്റെ വീടിന് നേരെ ആക്രമണം
ഒഞ്ചിയത്ത് ആർഎംപി പ്രവർത്തകന്റെ വീടിനു നേരെ ആക്രമണം. ഒഞ്ചിയം സമരസമിതി നേതാവ് മനയ്ക്കൽ താഴെ ഗോവിന്ദന്റെ മകൻ സുനിലിന്റെ വീടിനു നേരെയാണ് കല്ലേറുണ്ടായത്.
വ്യാഴാഴ്ച പുലർച്ചെയായിരുന്നു സംഭവം. കല്ലേറിൽ വീടിന്റെ ജനൽ ചില്ലുകൾ തകർന്നു. സംഭവത്തിൽ പോലീസ് അന്വേഷണം തുടങ്ങി. ആക്രമണത്തിനു പിന്നിൽ സിപിഎമ്മാണെന്ന് ആർഎംപി ആരോപിച്ചു.
