മുഖ്യമന്ത്രിക്ക് നിരാശയെന്ന് പി.എസ് ശ്രീധരൻപിള്ള
മുഖ്യമന്ത്രി പിണറായി വിജയന് നിരാശയെന്ന് ബിജെപി സംസ്ഥാന അധ്യക്ഷൻ പി.എസ്. ശ്രീധരൻപിള്ള. മുഖ്യമന്ത്രി മാധ്യമങ്ങളോട് മാറിനിൽക്കാൻ പറഞ്ഞത് ഇതുകൊണ്ടാണെന്നും ശ്രീധരൻപിള്ള പറഞ്ഞു.
തെരഞ്ഞെടുപ്പ് ഫലം സംബന്ധിച്ച ഇന്‍റലിജൻസ് റിപ്പോർട്ടുകളാണ് മുഖ്യമന്ത്രിയെ നിരാശനാക്കിയതെന്നും ശ്രീധരൻപിള്ള വ്യക്തമാക്കി.
കഴിഞ്ഞ ദിവസം പോളിംഗിനെ കുറിച്ച് അഭിപ്രായം പറയാതെ മുഖ്യമന്ത്രി മാറിനില്‍ക്ക് അങ്ങോട്ട് എന്ന് മാധ്യമങ്ങളോട് രൂക്ഷമായി വിമര്‍ശിച്ചിരുന്നു. ഇതിനെതിരേയാണ് ശ്രീധരൻപിള്ള രംഗത്തെത്തിയത്.
