മുഴുവന്‍ പേരും വനിതകള്‍; കണ്ണൂരിൽ ഏഴ് പോളിംഗ് സ്റ്റേഷനുകളില്‍ വനിതകൾ വാഴും
കണ്ണൂർ :ലോക്‌സഭ തെരഞ്ഞെടുപ്പിനായി ജില്ലയില്‍ ഒരുക്കിയിട്ടുള്ള 1857 പോളിംഗ് സ്റ്റേഷനുകളില്‍ ഏഴെണ്ണത്തില്‍ വനിതാ ഭരണം. പോളിംഗ് ഓഫീസര്‍ മുതല്‍ സുരക്ഷാ ഉദ്യോഗസ്ഥര്‍ വരെ തെരഞ്ഞെടുപ്പ് ഡ്യൂട്ടിയിലുള്ള മുഴുവന്‍ പേരും ഇവിടെ വനിതകളായിരിക്കുമെന്നതാണ് സവിശേഷത. ഇവിടെയുള്ള ബിഎല്‍ഒയും വനിതയായിരിക്കും.
തളിപ്പറമ്പ്, ഇരിക്കൂര്‍, അഴീക്കോട്, കണ്ണൂര്‍, ധര്‍മ്മടം, മട്ടന്നൂര്‍, പേരാവൂര്‍ എന്നീ നിയമസഭാ മണ്ഡലങ്ങളിലെ ഒന്നു വീതം വോട്ടെടുപ്പ് കേന്ദ്രങ്ങളാണ് ഈ രീതിയില്‍ പൂര്‍ണമായും വനിതാ ഉദ്യോഗസ്ഥരുടെ നിയന്ത്രണത്തിലുള്ളത്.
ഇവയുടെ വിവരങ്ങള്‍ പോളിംഗ് ബൂത്ത്, നിയോജകമണ്ഡലം, ബൂത്ത് നമ്പര്‍ എന്നീ ക്രമത്തില്‍:
കുറ്റിക്കോല്‍ എല്‍പി സ്‌കൂള്‍ (തളിപ്പറമ്പ-93),
ഗവ. ഹയര്‍സെക്കന്ററി സ്‌കൂള്‍ ചുഴലി (ഇരിക്കൂര്‍-86),
ചിറക്കല്‍ രാജാസ് എച്ച് എസ്- പടിഞ്ഞാറ് ഭാഗം (അഴീക്കോട്-103),
ഗവ. എല്‍പി സ്‌കൂള്‍ ആനയിടുക്ക്- പുതിയ കെട്ടിടം (കണ്ണൂര്‍-94),
മൗവ്വഞ്ചേരി യുപി സ്‌കൂള്‍- പടിഞ്ഞാറ് ഭാഗം (ധര്‍മ്മടം-20),
മട്ടന്നൂര്‍ ഗവ. യുപി സ്‌കൂള്‍- പടിഞ്ഞാറ് ഭാഗം (മട്ടന്നൂര്‍- 54),
സെന്റ് ജോണ്‍ യുപി സ്‌കൂള്‍, തുണ്ടിയില്‍- കിഴക്കു ഭാഗം (പേരാവൂര്‍-128).
