പെരുമാറ്റത്തിലെ മര്യാദ നിർമ്മലക്കുണ്ട് ; ആശുപത്രിക്കിടക്കയിൽ പ്രതിരോധമന്ത്രിയെ പുകഴ്ത്തി തരൂർ
![](https://www.newswings.online/wp-content/uploads/2019/04/Nirmala_Tharoor_160419.jpg)
പെരുമാറ്റത്തിലെ മര്യാദ എന്നത് ഇന്ത്യൻ രാഷ്ട്രീയത്തിലെ അപൂർവ ഗുണമമാണെന്നും അത് പ്രതിരോധമന്ത്രി നിർമല സീതാരാമനിൽ കാണാമെന്നും കോൺഗ്രസ് നേതാവ് ശശി തരൂർ. തെരഞ്ഞെടുപ്പ് പ്രചാരണത്തിനിടെ ആശുപത്രിയിൽ തന്നെ സന്ദർശിച്ച നിർമല സീതാരാമനെ ട്വിറ്ററിലൂടെയാണ് തരൂർ പുകഴ്ത്തിയത്. തുലാഭാരം നടത്തുന്നതിനിടെ ത്രാസ് പൊട്ടി തലയ്ക്കു പരിക്കേറ്റ് ചികിത്സയിൽ കഴിയുന്ന തരൂരിനെ തിങ്കളാഴ്ച പ്രതിരോധ മന്ത്രി സന്ദർശിച്ചിരുന്നു.
കേരളത്തിലെ സജീവമായ തെരഞ്ഞെടുപ്പ് പ്രചരണ പരിപാടികൾക്കിടെ രാവിലെ ആശുപത്രിയിലെത്തി നിർമല സീതാരാമൻ സന്ദർശിച്ചതായി തരൂർ ട്വീറ്റ് ചെയ്തു. സീതാരാമൻ തന്റെ കരം പിടിച്ചു. ഇന്ത്യൻ രാഷ്ട്രീയത്തിലെ അപൂർവ ഗുണമമാണ് പെരുമാറ്റത്തിലെ മര്യാദ എന്നത്. ഇത് നിർമല സീതാരാമന്റെ പ്രവർത്തികളിൽ കാണാമെന്നും അദ്ദേഹം ട്വീറ്റ് ചെയ്തു.