സുരേഷ്ഗോപിക്ക് നോട്ടീസ് അയച്ച സംഭവം: ബിജെപി വിമർശനങ്ങൾക്ക് കളക്ടർ അനുപമയുടെ മറുപടി
![](https://www.newswings.online/wp-content/uploads/2019/04/anupama.jpg)
അയ്യപ്പന്റെ പേരിൽ വോട്ട് അഭ്യർഥിച്ചതിന് എൻഡിഎ സ്ഥാനാർഥി സുരേഷ്ഗോപിക്ക് നോട്ടീസ് അയച്ച സംഭവത്തിലെ ബിജെപി വിമർശനങ്ങളെ ചിരിച്ചുതള്ളി തൃശൂർ ജില്ലാകളക്ടർ ടി.വി.അനുപമ. തന്റെ ജോലി മാത്രമാണ് ചെയ്തതെന്നും ഇതിൽ പ്രതികരിക്കേണ്ട ആവശ്യമില്ലെന്നും കളക്ടർ പറഞ്ഞു. നേരത്തെ, കളക്ടറുടെ നടപടിയെ വിമർശിച്ച് ബിജെപി നേതാക്കൾ രംഗത്തെത്തിയിരുന്നു. കളക്ടറുടേത് വിവരമില്ലായ്മ എന്നായിരുന്നു ബിജെപി സംസ്ഥാന ജനറൽ സെക്രട്ടറി ബി.ഗോപാലകൃഷ്ണന്റെ വിമർശനം.